Premier Wever sorprendi cu problema na Colegio na porta di vacacion escolar

Posted on 7/1/2021, 5:03 PM AST | Updated on 7/1/2021, 5:05 PM AST

ORANJESTAD – Prome minister demisionario Evelyn Wever Croes a keda sorprendi cu den porta di vacantia escolar, tin problemanan na Colegio Arubano. E mandatario a ricibi e docentenan di Colegio Arubano diahuebs atardi y tende nan keho. Mientras cu el a bisa cu debi na e status demisionario di e gobierno, no por haci promesa, e lo studia e caso y comienso di otro siman, lo sinta cu un grupo di e docentenan y wak con por sali di e situacion fastioso aki. Manera ta conoci mas prome e grupo di 91 docente, a exigi e retiro di e directiva di SVOA (Colegio) per direct, debi na mal maneho di e scol. E directiva no a haci caso di e carta y a ignora e yamada segun e docentenan. Un potret cu e portal aki a ricibi di e presidente di e directiva, ta mustra un homber sinta cu cabez abou.