Awe nochi ta confirma participacion di Xander Bogaerts den All Star Game di MLB

=NEW YORK – Awe nochi pa 9’or Major League Baseball (MLB) ta revela e nombernan di esnan cu ta participa den e proximo All Star Game 2021. E votamento final a termina 2'or di diahuebs atardi ora di Merca, Tabata diadomingo cu e prome fase a termina unda cu Xander Bogaerts tabata number uno di shortstop pa Liga Americana. Dialuna e votamento a cuminsa bek na 0, cu e tres prome riba e lista. Y atrobe, Bogaerts tabata prome. E biaha aki e noticia ta cu ta cu tur probabilidad, Xander Bogaerts lo no solamente forma parti di e ekipo di American League, pero lo tambe habri como short stop. Te cu merdia, e tabata ainda e number 1 di e tres finalnan cu a keda den e ultimo ronda. Awe nochi riba e cadena di television Mericano ESPN, lo anuncia e nombernan. Lo ta di tres biaha cu un Arubiano ta participa den un All Star Game y di dos biaha cu e ta habri.