Tormenta tropical Elsa ta pasa panort di Aruba den weekend

MIAMI – E tormenta tropical Elsa cu a forma marduga den laman Atlantico ta pasa den fin di siman panort di Aruba. E ta moviendo direccion west cu velocidad di 41 km pa ora. Ta anticipa un aceleracion di velocidad den e proximo 24 pa 36 ora den direccion west nort west. Forza di biento ta 65km pa ora y ta anticipa cu e lo bira mas fuerte. Nos a caba drenta e di dos luna di temporada di horcan pa 2021 y ta un temporada hopi activo atrobe. Ya caba a conoce 5 tormenta cu nomber den apenas un luna di tempo.