Corte a anula sentencia di actor Bill Cosby cu ta nifica su libertad mesora

PHILADELPHIA (AP) — Corte mas halto di Pensylvania na Merca diaranson a anula e condena di asalto sexual di e conocido actor Mericano Bill Cosby, habriendo caminda pa su liberacion di prizon. Cosby a caba sinta 2 aña di un castigo di 10 aña pa su culpabilidad di droga y viola un hende muher den e estado di Pennsylvania. Lolke semper a duna e caso aki un dimension extra ta pasobra ta netamente Cosby tabata personifica e personahe di e tata ehemplar den e serie The Cosby Show den añanan 80 riba television Mericano.  Na 2015 a detene e actor, pa e acto cu a tuma lugar casi 12 aña prome. Un asunto technico y promesa haci pa un fiscal anterior a pone cu mester lague den libertad mesora. Cosby semper a para pa su Inocencia y como tal a nenga admission a cambio di libertad tempran recientemente. E la bisa di prefera di sinta e castigo completo, cu admiti algo cu e no a haci.