Ta vigilando situacion di tempo cu ta drenta Caribe proximamente

MIAMI – Un area amplio di presion abou asocia cu un ola tropical ta entre Africa y Islanan Caribense y tin atencion di National Hurricane Center. Nos ta den pleno temporada di Horcan y como tal ta monitoria esaki di cerca. E sistema tropical ta produciendo hopi yobida y ta mustra miho organiza y mas importante ainda, ta mustra condicion faborable pa desaroya den un sistema tropical mas serio. E ta moviendo direccion west nort west cu velocidad di 20 miya pa ora y islanan di Caribe tin cu tene un bista riba esaki. Ta dune un chens di 60% pa desaroya den un depression tropical dentro di 48 ora.