Mansur: ACCION21 kier un gabinete di 12 asiento of mas

ORANJESTAD – Partido ACCION21 lo no sostene un gobierno di 12 of menos asiento sino cu e mester ta mas. Asina lider di e partido Miguel Mansur a bisa na su salida di su audiencia cu Gobernador diamars atardi. “E mester ta mas amplio cu esey. Nos a campaña pa un gabinete di unidad nacional cu ta inclui tur 5 partido “ Mansur a sigui bisa. A remarca cu tin un situacion unda cu por tin un gabinete di 14 asiento of tambe un gabinete unda cu tin tres partido independiente cu por haci cambio tambe. Tin un mandato cu no por exclui partido MEP, pero si tin un mandato cu por exclui partido AVP. 

PRESIDENTE DI PARLAMENTO DI BLOKE DI 5

E posibilidad segun Mansur, ta pa otro siman ora cu huramenta e Parlamento nobo, cu e presidente di Parlamento sali for di e bloke di 5 y no for di un di e dos partidonan grandi.