Frank de Boer a retira ‘per direct’ como director tecnico di seleccion Hulandes di futbol

ZEIST - Frank de Boer a retira ‘per direct’ como director technico di e seleccion nacional di futbol di Hulanda. Despues di su evaluacion di su trabou na Zeist, dos dia despues cu Hulanda a keda elimina for di e Copa Europa diadomingo ora cu nan a perde 2-0 contra Republica Checo, a dicidi cu KNVB (e asosacion nacional di futbol Hulandes) y de Boer ta sali for di otro ‘per direct’. E contracto di de Boer, tabata pa core te cu Copa Mundial di 2022, si Hulanda cualifica pa esaki. Pero de Boer mes a mustra cu e no ta bay sigui, pasobra no tin sentido. Mi no a logra mi meta” de Boer a sigui bisa.