Raiz no tin acuerdo cu otro partidonan chikito of MEP

ORANJESTAD – Partido RAIZ no a cera complot cu otro partidonan y no a reuni cu otro partidonan tampoco. Esaki ta inclui un possible acuerdo cu e partido lo a cera cu partido MEP hasta prome cu eleccion. Asina e lider di e partido esta Ursell Arends a sigura prensa diamars mainta despues di su bishita na Gobernador di Aruba. Sr Arends a sigura cu awor e combersacionan lo por combersa, despues di su audiencia. E la sigura tambe cu for di fin di siman el a informa tur e demas partidonan di su situacion personal (luto pa morto di su suegra) y cu no ta bay topa cu ningun hende awor. Pues mesora a desmenti tur speculacion cu tabata circula pafo. 

TRAHA CU TUR HENDE

Segun Arends, e ta contento cu e trabou duro pafor di Parlamento a duna su fruto, cu awor nan tin dos asiento cu cual nan lo por sea forma parti di e proximo gobierno of drenta Parlamento como oposicion. E prome yama pa forma gobierno ta e partido cu mas voto cu ta partido MEP, y nan lo duna oido na e yamada cu bin pa nan y ta wak kico ta resulta di e combersacionan aki. Nan punto di salida semper lo ta cu integridad ta na prome lugar. Esey no ta kita nan di papia si cu partido AVP si resulta cu esey ta e partido cu por forma gobierno eventualmente. Pero tur cos ta depende di con e conbersacionan awor resulta. Pa loke ta eventual funcion di minister, a sigura cu tur nan candidatonan ta mas cu cualifica pa asumi un funcion sea como minister of parlamentario.