Mike Eman a sigura awe cu e lo bolbe den Parlamento si e situacion presenta

ORANJESTAD – Contrario na 4 aña pasa, lider di partido AVP Mike Eman a sigura cu e lo bolbe Parlamento si e situacion surgi asina. Sr Eman a confirma esaki diamars mainta pa Noticiacla ora cu el a sali for di audiencia cu Gobernador Alfonso Boekhoudt. E lider di e partido berde a splica cu e eleccion anterior el a scohe pa coy un otro rumbo, pa e.o. evita polarisacion entre partidonan. 

Eleccion anterior Eman a resulta como e votegetter pero a opta pa keda afo. Algo cu no a cay den bon tera cerca su votadornan y pueblo en general. E biaha aki a hacie e pregunta prome cu eleccion cu si e biaha aki si lo drenta Parlamento si AVP no gana. Awor cu eleccion a pasa, y AVP no a gana, Eman a sigura awe mainta cu e lo drenta Parlamento.