Eman: Si nombra dos informador, uno por explora gobierno AVP-ACCION21-RAIZ-MAS

ORANJESTAD – Ta e deseo di lider di partido AVP Mike Eman pa Gobernador di Aruba Alfonso Boekhoudt nombra 2 informador unda cu un di nan por explora e formacion di un gobierno entre partidonan AVP, ACCION21, MAS y RAIZ. Asina e lider di e partido a bisa despues di su audiencia cerca Gobernador diamars mainta. Segun sr Eman, e 4 partidonan aki a mustra cu nan kier un cambio di gobernacion y ta sinti cu hunto, e 12 asientonan aki por ta e diferencia. E otro informador por explora un eventual otro gobierno entre MEP y e partidonan menciona. Pues e partido kier pa explora e dos opcionan aki, y nan ta dispuesto pa esaki.