Evelyn Wever riba reconteo di voto: Mike Eman mester grow up!

ORANJESTAD – Riba e peticion di partido AVP pa haci un reconteo di e votonan invalido, e lider di MEP Evelyn Wever tabata corto dialuna atardi despues di su bishita na Gobernador. ” Mi ta haya cu e lider politico di partido AVP mester grow up!” tabata e reaccion cortido di Wever Croes. Un frase cu e la uza durante e ultimo debate di Kvk ora cu e la confronta Mike Eman cara cara y a cuminsa un interaccion basta fuerte di palabra. E biaha aki e lider di MEP a usa e mesun frase. Esaki pasobra e ta pensa cu ta AVP mes a pidi prome pa no tin digitalisacion di e proceso electoral. Kier a bin cu esaki pa netamente evita problema cu conteo e.o. Y ora cu esey tabata bay bira e caso, mundo a hera caba pa AVP segun Wever. Ora cu a bay hacie manual, tampoco ta bon. “Awor e ta exigi reconteo. Ta bon ami no ta dicidi riba esaki. Conseho Supremo Electoral ta independiente riba esaki. Nan ta tuma e decision riba esaki” e mandatario a sigui bisa.