CUA kier gobierno kita tur sobra regla contra Covid19 per direct

ORANJESTAD – Comerciantenan Uni di Aruba (CUA) kier pa gobierno ‘per direct’ revoca tur medida actual cu tin pa loke ta Covid19. Y nan argumento ta despues di a mira e comportacion di pueblo den ultimo simannan, con tur hende ta actua y cu no tin regla pa nan, cu ta pone cu esaki mester wordo elimina e ora. Sigur, si di otro banda ta pidi di comercio pa nan si cumpli cu regla, siendo cu e ta perhudica nan financieramente pisa. “No tin handhaving di e reglanan” Frans Ponson, presidente di e asosacion ta bisa. 

NO TIN HANDHAVING 

Si no tin handhaving mas, no tin base legal pa e lista di regla cu tin vigente awe. “Con ta bay bisa e resutaurant awe nochi cu tin mag di tin 10 hende so na mesa, mientras cu tin trailer yen di hende ta core rond” Ponson a bisa. No tin problema pa cu e fiesta y cu ta celebra. “Nos ta para tras di celebracion. Pero e problema ta e hanchi small pa un y hancho pa otro”. Desde awe, gobierno mester kita tur medida inmediatamente segun Ponson, ya cu no tin base pa tin un truck bandi caminda cera 11’or pa bende cuminda. 

COMERCIANTE RABIA

E asunto a desaroya den fin di siman ora cu comerciantenan a wak e comportacion di hende durante e.o. parada di celebracion di un partido politico y prome cu esey, e clausura di campaña di otro partidonan. Nan a keda babuca cu e forma di comportacion, sin cu ta worda actua contra esey, esta cu no tin ‘handhaving’ pa esaki. Como tal Ponson ta bisa cu no sa kico pa contesta e comerciantenan. Y nan kier cuminsa algo legal pa bringa gobierno riba e tema aki. Pero si gobierno no tuma paso, no ta descarta cu comercio lo hiba gobierno corte, pa atende e base legal pa cual ta mantene cierto reglanan ainda. 

REGLANAN A SUAVISARiba e tema cu a suavisa hopi regla caba, y cu tur e loke cu CUA ta reclama, no tin base ya cu p.e. a kita e obligacion pa tin mondkapje y cu pafo e situacion ta diferente cu paden, y cu tur loke ta keha, ta basa riba loke a wak den publico pafo y no paden, unda cu e situacion ta otro, Ponson a bisa cu tin contesta pa esey. Ta obliga tur hende cu tin cu para den rij, cu no a wordo controla, tambe e asunto di restaurant pafo cu limitacion di 10 hende, mientras cu tin hende cu den weekend por a mira tur hunto ta goza.