Partido MEP a anuncia nan parada di victoria pa diadomingo awor

ORANJESTAD – Partido MEP a anuncia nan parada di victoria pa diadomingo awor, diasabra atardi. Despues di un reunion interno di partido, su lider Evelyn Wever a informa cu tur cos ta cla pa e parada, cu ta inicia diadomingo pa 10’or saliendo for di Carnival Village na San Nicolas y ta termina atardi na Noord. E intencion ta pa pasa den mas tanto barrio, pero ta urgi ciudadanonan pa haci esfuerso y sali topa e caravana y saluda esnan di e ekipo cu a gana e eleccion diabierna ultimo.