Gobernador di Aruba contento di mira cu hopi hende ta haci uso di nan derecho di voto

ORANJESTAD – Gobernador di Aruba, sr Alfonso Boekhoudt a deposita su voto diabierna mainta na Centro di Bario Playa Pabou, y despues a duna un comentario breve di e eleccion y e proceso. Gobernador tabata contento di mira hopi movision riba caya pa por vota, ya cu esaki ta algo bon cu asina hopi hende kier bay vota. Tambe Gobernador a subraya e derecho di voto cu ta algo fundamental di nos democracia y pesey ta bon pa haci esaki. E ta un derecho humano y cu ta haci uso di dje ya cu tin paisnan cu no tin e derecho aki. A encurasha pa haci uso di voto, y pa yuda bo hendenan tambe pa determina e lidernan nobo di e pais. Tin un interes pa sirbi nos pais y cu 12 partido cu kier haci esaki, ta haci esaki algo historico. Y na final un biaha mas a encurasha tur hende pa vota pa mustra cu nos tin un democracia bibo.