Micheal Williams di partido Pueblo Prome tabata prome lider cu a vota awe

SANTA CRUZ – Lider di partido Pueblo Prome Michael Williams tabata e prome lider politico cu a vota den e eleccion parlamentario 2021 awe mainta. Pa 8’or e la deposita su voto na Colegio San Hose na Santa Cruz. Originalmente e mester a vota na Cacique Macuarima. Segun sr Williams, el a vota tempran pa asina usa e resto di dia pa yuda trece hende pa nan urnanan ya cu lo tin hende cu no tin transporte pa yega nan urna. Por a nota presencia di varios miembro di partido, manera Mireya St Jago, y miembro Jan de Ruijter. Esaki ta prome biaha cu e partido ta participa na un eleccion parlamentario. Interesante informacion ta cu su yiu homber ta casa cu un candidato cu ta riba lista di e partido berde, esta Gerlien Croes. Segun Williams, e relacion familiar ta perfecto.