Mester tapaboca pa drenta urna electoral sino no por drenta

ORANJESTAD – Sin tapaboca no por drenta urna electoral. Asina director di Censo Sharin Luydens a informa noticiacla awe mainta na Censo. E motibo ta cu no por garantisa distancia di 1 meter y mei entre personanan den e urna. Mientras cu gobierno a bisa cu e uso di tapaboca no ta obligatorio mas, ta keda na cada lugar si nan ta enforsa esaki. Den e caso aki e urnanan ta pone e regla aki. “E regla ta cu bo ta drenta cu bo mondkapje” Luydens a bisa. “Esey ta e regla di urna. Tur caminda tin nan regla. E no ta obligatorio pa cana cune pero DVG a splica si cu cada establecimento por pone nan regla si no por mantene distancia” Luydens a bisa. A pidi cooperacion di tur votador pa sigui e reglanan aki.