Trahadonan di urna a busca nan material na Censo awe mainta

ORANJESTAD – Awe mainta trempan 5’or y mei personal di urnanan electoral a cuminsa busca nan material na edificio principal di Censo na Oranjestad. Personal di un total di 53 urna a busca nan material na Censo mientras cu e resto ta busca nan material na e hulp bestuurskantoor Savaneta segun e director di Censo Sharin Luydens a bisa noticiacla awe mainta. Tin riba 300 persona cu ta bay traha. E aña aki tin basta persona nobo, particularmente di Universidad di Aruba y EPI cu ta traha tambe na e urna electoral. E presidentenan di urna ta haya 250 florin pa e dia y e otronan 190 florin pa e dia. 

TAPABOCA

Mientras cu mester di tur documentonan mester ta na ordo pa por identifica bo mes, mester tin un tapaboca tambe ora di drenta e urna, sino no por drenta. Por vota entre 8’or di mainta pa 7’or di anochi.