Gobierno a pidi SKOA pa no retira ningun trahado y SKOA lo warda

ORANJESTAD – Gobierno a pidi Stichting Katholiek Onderwijs Aruba (SKOA) pa no retira e grupo di trahado (werksters) cu lo tin pendiente pa keda retira. Esaki pasobra gobierno ta trahando riba un solucion pa por yuda paga e trahadonan aki. Asina prome minister Evelyn Wever a bisa diahuebs mainta durante un conferencia riba e tema. Riba sugerencia di e mandatario, mediador di gobierno Anselmo Pontilius a cay aden y dos siman pasa a presenta un plan cu dos proposicion. Pero ambos ta bisa pa no retira e trahadonan. Y segun e mandatario, ta bisa cu nan lo cumpli cu e plan ey y cu esey a pidi e director di SKOA Anuesca Baly pa wanta cu cualkier possible retiro. 

REACCION BALY

“Nos a ricibi un carta ayera cu e peticion pa wanta tur retiro di e personal di limpiesa” Anuesa Baly a confirma pa Noticiacla diahuebs atardi. “Nos reunion tabata uno informativo desde cu nos a sinta cu sr Pontilius y sindicato SEPPA y un conseho a wordo manda pa conseho di minister pa un decision” e director a sigui bisa. “Nos tin un reunion dia 30 (di juni) y nos lo tin keda pediente y wak kico nan lo trece na mesa” sra Baly a finalisa bisando.