Intervencion militar na Fort Zoutman diahuebs tabata opcion

ORANJESTAD – Militarnan di marinierskazerne tabata a punto di drenta den accion dilanti gabinete di gobernador. NoticiaCla tin confirmacion di esaki di su fuentenan fededigno, cu na dado momento diahuebs mainta, ora cu esnan ey dilanti a cuminsa bira impaciente, a inicia pasonan pa cu e intervencion. Reunion entre veiligheidsdienst, gabinete di gobernador y e minister responsabel pa husticia, a toca e tema riba posibel intervencion di e militarnan. Sinembargo e asunto por a wordo domina pa polis mes, cu a pone cu esaki no tabata necesario mas. No por a confirma si, cu si e ‘intencion’ pa usa forza militar, por a conduci na e paro di welga di hamber di premier Mike Eman diahuebs merdia. Ta conoci cu pa ley, si tin indicacion di menasa contra bida di gobernador, y tambe problema pa su seguridad y su despacho, cu riba peticion di gobernador, por haci uso di militarnan di Savaneta. Tambe den caso di tipo di otro desorden publico, gobierno ta haci apelacion na gobernador pa impone ayudo di militarnan tambe.