Sara Quita Offringa (Aruba) ta lidera Copa Mundial di Windsurfing na Israel

TIBERIAS – Aruba su representante Sara Quita Offringa ta lidera e lista di damas pa e Copa Mundial di Windsurfing teni actualmente na Isreal. Despues di 18 luna sin tin actividad debi na e pandemia, esaki ta bira e prome Copa Mundial atrobe. Segun e portal Israel Hayom, ta pa prome biaha cu Israe ta anfitrion di e evento aki, na Tiberias den Laman di Galilee. E evento di 5 dia a inicia dialuna cu mas di 60 windsurfers di tur parti di mundo, incluyendo actual y ex campeonan mundial. E Copa Mundial di Professional Windsurfing Association (PWA) ta considera e evento mas prestigioso di e deporte aki. Contrario na windsurfing olimpico, windsurfing professional ta un deporte extremo cu ta tuma lugar den biento di riba 80 km pa ora cu olanan di riba 10 meter. Aruba su nomber a zona na comienso caba unda cu Sarah-Quita Offringa (Campeon mundial di Slalom pa 4 aña) a pasa Marion Mortefon pa gana e evento di dialuna. Cuminsando diamars, e ranking despues di e prome ronda di eliminacion ta como lo siguiente.  

Damas: 

Sarah Quita- Offringa (Aruba)

Marion Mortefon (Francia)

Delphine Cousin Questel (Francia)

Sarah Jackson (Inglaterra)

Blanca Alabau (Spaña)

Cabayero: 

Nicolas Goyard (Francia)

Enrico Marotti (Croatia)

Ingmar Daldorf (Hulanda)

Maciek Rutkowski (Polonia)

Basile Jacquin (Francia)

Pierre Mortefon (Francia)

Alexandre Cousin (Francia)

Antoine Albeau (Francia)

Matteo Iachino (Italia)

Bruno Martini (Italia)