AAA: Aerolineanan ta agrega mas di 125 buelo na e schedule di Juni y Juli

AAA: Aerolineanan ta agrega mas di 125 buelo na e schedule di Juni y Juli

Posted on 06/21/2021 4:14 pm AST | Updated on 06/21/2021 4:20 pm AST

ORANJESTAD – Aruba Airport Authority N.V. (AAA), compania cu ta maneha y opera Aeropuerto Internacional Reina Beatrix (Aeropuerto di Aruba) a raporta e siguiente informacionnan di trafico aereo:

-        Aeropuerto di Aruba lo opera 80% di su schedulenan di Juni 2019 (prome cu pandemia) den 2021.

-        Tur region a mustra aumento e luna aki.

-        E averahe di “load factor” di pasahero na salida ta 69.5%, compara cu 85% na 2019.

-        Cantidad di servicio: 25 pa dia, compara cu 35 na 2019.

Aerolineanan ta agregando mas ruta nobo y ta rebibando rutanan bieu, mirando cu pasaheronan kier biaha pa placer den zomer, si mira cu e percentahe di personanan vacuna ta sigui aumenta na Merca. 

Segun e schedulenan di Cirium combina cu e configuracion di asiento di CAPA Fleet Database, Aeropuerto di Aruba su schedulenan di buelo (cu ta traduci den “air seat capacity”) pa e tercer kwartaal y winter 2021-2022 ainda ta mustra recuperacion di 83% y 94% di e nivelnan di 2019. 

E estadisticanan ta representa Aeropuerto di Aruba su capacidad di asiento pa kwartaal (saca dia 7 di Juni, 2021) segun region. Nota si cu schedulenan emiti door di e aerolineanan pa e resto di zomer ta wordo regularmente corta.

Latino America ta sigui corta mas hopi en comparacion cu e otro regionnan. Obstante esaki, e ta sigui un tendencia di mehoracion modesto desde medio April pa laat den Mei cu Brazil, Argentina y Colombia teniendo e cantidadnan mas halto di casonan den Sur America.  

E capacidad general di asiento ta mustra di ta 80% di e nivelnan prome cu e pandemia entre Juni cu September, yegando 94% entre November cu December, dependiendo riba e exito di e programa di vacunacion Latino Americano y e recuperacion di e mercado di aviacion “multi-speed”, cu e potencial general di trafico pa winter di 75-100%. 

Zomer 2021 | “Highlights” di e schedule: 

Norte America 

-        American Airlines a aumenta buelonan diario (7) for di Charlotte na 3 buelo diario (21) pa e lunanan peak Juni y Juli. 

-        American Airlines a reanuda 1 buelo semanal riba Diasabra for di La Guardia desde 12 di Juni. 

-        United Airlines a aumenta servicio for di Washington for di 3 buelo semanal pa 1 buelo diario (7) den Juni.  

-        JetBlue lo aumenta servicio for di JFK for di 14 pa 17 buelo semanal na Juli. 

-        WestJet su fecha tentativo pa cuminsa bek ta 6 di November, 2021, cu 2 buelo semanal for di Toronto. 

-        Air Canada su fecha tentativo pa cuminsa bek ta 11 di September, 2021 cu 2 buelo semanal for di Toronto. 

Latino America

-        Avianca tin plan pa aumenta servicio for di 4 pa 5 buelo semanal (buelo di Diaranson) for di Bogota pa e lunanan peak di zomer cu ta July – Augustus. 

 Europa

-        KLM lo cuminsa cu buelonan diario (awo tin 6 buelo pa siman) for di Amsterdam (via Boneiro) na Juli. 

-        KLM a agrega 3 buelo semanal extra pa e simannan peak di zomer for di 23 di Juli pa 15 di Augustus, 2021. 

-        TUI NL a aumenta servicio for di 1 pa 3 buelo semanal for di Amsterdam (via Curacao) den Juni y ta plania pa agrega 1 buelo extra riba Diamars cuminsando 6 di Juli te cu October 2021. 

-        TUI UK ta plania pa cuminsa bek cu 1 buelo semanal pa henter aña for di Gatwick desde 7 di Juli, 2021, pendiente e revision di e Gobierno Ingles di paisnan cu ta cai den e categoria berde.  

Aeropuerto di Aruba ta sigui actualiza e informacion riba e aerolineanan segun informacion ta bira disponibel. E schedulenan di buelo ta cambia constantemente y por cambia na cualkier momento di dia. Bishita e pagina di “Flight Schedules” pa mira e schedule detaya di zomer y e ultimo informacionnan confirma ricibi for di aerolineanan partner na https://www.airportaruba.com/flight-schedules. 

"E atmosfera di demanda ta indiscutiblemente positivo cu nos aerolineanan agregando capacidad y destinacionnan nobo door di aumenta frecuencia di buelo. Nos ta sigur cu nos ta bai bolbe mira volumennan halto den e lunanan importante di e kwartaal cu ta Juli, Augustus y September,” Aeropuerto di Aruba su Air Service Development Manager Sra. Jo-Anne Meaux-Arends.

  • BCA: Cantidad di placa den circulacion a crece na Aruba

    BCA: Cantidad di placa den circulacion a crece na Aruba

    ORANJESTAD - Compara cu april 2021, e cantidad di placa den circulacion a crece cu Afl. 46,8 miyon te na Afl. 4.984,5 miyon den e luna di mei 2021. Esaki a resulta for di un subida den e reserva di divisa netto (+Afl. 51,2 miyon) y un caida den reserva activo domestico netto (-Afl. 4,4 miyon). Asina Banco Central di Aruba (BCA) ta raporta. 

  • AAA: Aerolineanan ta sigui añadi mas buelo pa AUA pa winter

    AAA: Aerolineanan ta sigui añadi mas buelo pa AUA pa winter

    ORANJESTAD – Aruba Airport Authority N.V. (AAA) compania cu ta maneha Aeropuerto Internacional Reina Beatrix (AUA Airport), a anuncia e siguiente desaroyonan den e schedule aereo pa e temporada di winter.

  • E fecha final pa paga impuesto di vehiculo di motor ta 2 di augustus 2021

    E fecha final pa paga impuesto di vehiculo di motor ta 2 di augustus 2021

    ORANJESTAD – Departamento di Impuesto ta recorda cu e fecha final pa pago di impuesto di vehiculo di motor di e di dos mita di an?a 2021 ta 2 di augustus 2021. Ta importante pa tur contribuyente cumpli cu e deber aki na tempo y asina evita extra gasto innecesario, cual ta e boet administrativo di 50% riba e saldo di impuesto. Si no cumpli cu e pago menciona na tempo, e boet ta wordo procesa y an?adi na e debe di impuesto automaticamente dia 3 di augustus 2021. Den e caso aki e contribuyente lo ricibi un cobransa adicional (naheffingsaanslag).

  • Pay.aw ta lansa promocion hunto cu Subway

    Pay.aw ta lansa promocion hunto cu Subway
  • BCA: Cantidad di placa den circulacion a expande

    BCA: Cantidad di placa den circulacion a expande

    ORANJESTAD - Compara cu maart 2021, e cantidad di placa den circulacion a crece cu Afl. 80,2 miyon te na Afl. 4.937,7 miyon den e luna di april 2021. Esaki a resulta for di un subida den e reserva di divisa netto (+Afl. 234,4 miyon) y un bahada den reserva activo domestico netto (-Afl. 154,0 miyon). 

  • CBA: Demanda mas abou pa credito na consumidor den april 2021

    CBA: Demanda mas abou pa credito na consumidor den april 2021

    ORANJESTAD - Durante e reunion di 8 di juni 2021 y despues di a revisa dato economico y monetario mas recien, e Comite di Maneho Monetario (CMM)  di Banco Central di Aruba (BCA) a dicidi pa mantene e porcentahe actual di e tasa di e “reserve requirement” (reserva rekeri) na 7,0 porciento.  E tasa di e reserva rekeri ta e cantidad minimo di reserva cu banconan comercial mester mantene na BCA y ta igual na 7,0 porciento di nan obligacionnan cu ta vence den menos di 2 aña. A considera e siguiente informacion y analisis pa yega na e decision aki. 

  • Powered by SETAR