Daño di oil spill di WEB mas grandi cu a kere pero no pio

ORANJESTAD – Un recorido cu boto, un dia despues di e derame di petrolio (fuel oil) na Barcadera a mustra cu e daño inicialmente haci, ta mas grandi cu a kere. “Pero e no a bira mas pio”, vocero di WEB, Asja Dongen a sigura NoticiaCla.com awe tardi. WEB ta e compania responsible pa e spill di ayera, y a confirma cu ta for di nan sitio esaki a sali. Awe a cuminsa cu e parti di limpiesa, unda cu segun Dongen, a cuminsa uza quimico (no dañino pa medio ambiente) pa deshaci di e zeta cu a keda pega na e areanan afecta.

RECORIDO

Ora cu a bay haci e recorido awe, a nota cu envez di un banda so, awor a resulta cu na e otro banda di e rif (cu inicialmente a wordo indica di tabata afecta) tambe a keda afecta. “Awor nos ta concentra ariba haci limpiesa mas lihe posibel. Esaki pasobra mas bo tarda, mas duro e zeta ta bira y mas dificil e limpiesa ta pa kite” Dongen a bisa. Esaki ta nifica cu tin diferente contratista cu a keda contrata pa haci e limpiesa mas liher posibel. Tambe a pone mas boom, e soseishinan, como mas precaucion pa e zeta no plama mas.

CANTIDAD

Te ainda no por a bisa cuanto zeta a plama den laman, pasobra esaki tin cu wordo determina ainda pa e investigacion cu ta andando awor, segun vocero di e compania a sigura NoticiaCla.com. “E no ta pio cu ayera”. E area completo afecta ta mas of menos 400 meter. 

AYERA

Tabata ayera ainda , durante un conferencia di prensa, cu WEB a bisa cu e no sa ainda con grandi e daño di e oil spill di awe mainta ta. Si, e director Oslin Boekhoudt a sigura cu tur cos tabata bou di control. A repasa e suseso cronologicamente, y bisa unda e spill a origina, kico a occasion ‘e y unda nan ta para te awo. Esaki a sosode durante e conferencia di prensa awe tardi laat cu WEB a ofrece, y unda cu no a sali mucho cos nobo mas. Mas bien un bista di e trabounan cu a haci pa contene e spill, y su efectonan cu e tabatin. Loke a sali na cla tambe ta cu no ta weekend sino awe mainta, e notificacion inicial a bin.

PROME MELDING

For di 8’or di mainta e prome notificacion (via Havenmeester) a bin, di e ‘posibel’ oil spill. Na WEB e informacion sinembargo a drenta casi un ora mas laat. A resulta cu e lek tabata di banda di WEB, y ta un leak for di un heater di tanki number 4. Ta trata di e heater pa e fuel oil. A activa e team di calamidad, sigui pa un inspeccion di e area. Pa 10:50 a logra contene e leak y a pare tambe, pa despues durante un buelo di helicopter, determina e efecto cu e spill tabatin. Tabata e parti maritimo di polis, kustwacht, valero y WEB tabata envolvi den e operacion di henter dia.

DAÑO HACI

Pa awor, e control a determina cu for di costa na Web te na California (lighthouse) no tin zeta pega na e costa di Aruba. Unda cu si tin contaminacion, ta e parti zuid di e rif paden. Cu fotonan a mustra kico exactamente a keda afecta. Ta trata di un fayo cu di e machine cu a pone cu tabatin oil leak. No ta trata di un fayo humano. E ekipo unda cu e leak a sosode, ta debi na deterioro di e ekipo. Segun e director, ta ora cu ta corosion ta pone cu e aparato ta daña.

CALAMIDAD

Di parti di e ekipo di calamidad, no ta considere como algo mucho grandi pa nivel di calamidad. A admiti cu tabatin pahra cu a wordo afecta, y tambe pisca cu a muri a consecuencia di e oil spill.