Kock: No tabatin motibo pa ‘wraak’ e huez cu a prolonga detencion di Sevinger

Kock: No tabatin motibo pa ‘wraak’ e huez cu a prolonga detencion di Sevinger

Posted on 06/21/2021 10:55 am AST | Updated on 06/21/2021 10:59 am AST

ORANJESTAD – E pensamento cu a surgi den comunidad diasabra cu lo mester a cambia e huez comisario diasabra ultimo cu a dicta riba e prolongacion di detencion di parlamentario Benny Sevinger, no ta wordo comparti pa e abogado di e Parlamentario. Ora cu un abogado sinti cu e huez en cuestion no ta imparcial y of tin conflicto di interes pa cu su caso, e por protesta y haci un apelacion pa cambia e huez (wraak). E comentarionan cu a surgi, ta cu ta cuestiona e huez su relacion di trabou den pasado cu prome minister actual y cu esaki por hacie parcial. Pero segun e abogado, esaki no ta un hecho den e caso aki. 

CAMBIA HUEZ

Aunke cu e ta un medio disponible, e acto pa 'wraak' un huez e no ta algo cu ta wordo usa hopi. Den e casoi aki specifico pues, hopi a cuestiona e hecho cu e huez en cuestion su ‘pasado laboral’ y mas reciente su nombracion como huez a pone e grupo di persona pensa cu dificilmente e huez aki por ta parcial. Pa loke ta e pasado laboral, ta referi na e hecho cu e lo tabata colega di trabou un tempo cu e awor prome minister tempo cu e mandatario tabata traha na oficina di impuesto, y mas recien awor ora cu el a wordo selecta pa e gabinete aki y huramenta tambe como huez, tin hopi ta pensa esaki. Abogado di e parlamentario sinembargo tin otro pensamento. “No, ami no ta wak ningun motibo pa duda di e imparcialidad di e huez”, abogado Kock di DKLegal a bisa noticiacla dialuna mainta. “Cu mi no ta eens cu ne ta algo otro” e abogado a sigui bisa. Pues esaki ta pone cu no tabata necesario pa ‘cambia’ e huez e ora. E huez diasabra a prolonga e detencion di e Parlamentario y a rechasa e peticion di suspension di e detencion algun rato despues tambe. Esaki ta nifica cu e Parlamentario ta keda deteni te despues di eleccion actual. 

  • Corte ta dicidi otro luna si reconteo di voto por tuma lugar ainda

    Corte ta dicidi otro luna si reconteo di voto por tuma lugar ainda

    ORANJESTAD – Otro luna huez lo dicidi si por tin un reconteo di e votonan di e eleccion Parlamentario di dia 25 di juni 2021.  Un total di 3 votador, cu ta miembro di partido AVP a cuminsa e caso como votador contra pais Aruba (lesa:gobierno di Aruba) pa e hecho cu no kier a haci un reconteo di e votonan.A pidi specificamente reconteo di a. tur voto, sino b. reconteo di votonan invalido pa no ta mucho trabou. Segun abogado Desiree Croes, a kere inicialmente cu e caso lo no a sigui, debi cu (awor) ex presidente di Conseho Electoral (CE) Glenn Thode a duna ordo pa destrui e stembiljetten di e eleccion. Y si esaki tabata e caso, lo no tabatin sentido pa continua cu e caso. A resultado sinembargo cu e presidente nobo di CE a opta pa no destrui e biyetenan aki. Esey a pone cu e caso por a sigui. 

  • OM: Esnan cu multa pendiente, no por bandona Aruba pa e.o. vacantie

    OM: Esnan cu multa pendiente, no por bandona Aruba pa e.o. vacantie

    ORANJESTAD - Ministerio Publico lo cuminza intensiva e cobramento di boetnan habri entrante e siman aki. Ta trata di boetnan di aña 2019 te inicio di 2021 cu ta habri ainda. Den e cuadro ey Grenspolitie lo para viaheronan y atende nan riba nan boetnan habri prome cu nan lo wordo permiti pa sigui cu nan viahe.  Grenspolitie tin un mashin di pin di Ministerio Publico, loke ta facilita e pagamento na frontera prome cu sali cu vakantie. Banda di esaki por paga online via cuenta bancario 4000905 na ArubaBank bao mencion di e parketnummer y e letter cu ta parece riba e carta. Esnan cu ta prefera pa paga nan boet personalmente na balie di Ministerio Publico por haci un afspraak di antemano via nos website (www.omaruba.com).  E accion aki lo dura te fin di aña y lo bira cada biaha mas pisa. Ministerio Publico lo sali activamente en busca hendenan cu keda sin paga y e hendenan aki lo core riesgo pa mester sinta nan detencion preventivo den KIA.  

  • Presidente di Haiti a keda asesina den su cas awe marduga

    Presidente di Haiti a keda asesina den su cas awe marduga

    PORT-AU-PRINCE – Presidente Haitiano  Jovenel Moïse a keda asesina diaranson mainta den su cas. Asina e prome minister Claude Joseph a confirma. E casa Martine Moïse a keda herida den e atake y tabata haya atencion medico. Supuestamente un grupo di homber papiando spañoa ataca e cas den careda di 1’or di marduga ora cu nan a tira riba Moïse y su casa.  

  • Corte a rechasa peticion di AVP pa wanta cu destruccion di stembiljetten pendiente caso sumario

    Corte a rechasa peticion di AVP pa wanta cu destruccion di stembiljetten pendiente caso sumario

    ORANJESTAD – Corte a rechasa peticion di partido AVP (specificamente srs Arthur Dowers, Mike de Meza y sra Mervin Wyatt Ras den representacion di e partido) pa no destrui e stembiljetten di eleccion, pendiente un caso sumario cu e partido a entama contra pais Aruba e siman aki. Manera ta conoci, e partido a entama un caso cu e meta pa ordena un reconteo di e votonan invalid di e ultimo eleccion. Mientras cu ta warda e caso bin dilanti, a pidi un asina yama ‘orde maatregel’, esta un medida temporario, cu mester a resulta den un paro di destruccion di e bijetenan di voto, te ora cu e caso tuma lugar. Pero huez no a mira razon pa haci esaki awe. Por mira den e sentencia cu huez no ta mira necesario pa tin un reconteo tampoco. Pues por bien ta cu e caso sumario tambe lo no tin exito den e caso aki. Por lesa e sentencia AKI. 

  • Partido AVP a entama caso sumario pa reconteo di votonan invalido

    Partido AVP a entama caso sumario pa reconteo di votonan invalido

    ORANJESTAD – Partido AVP a entama un caso sumario contra Conseho Supremo Electoral dialuna pa pidi un reconteo di e votonan invalid di e ultimo eleccion aki (di dia 25 di juni 2021). Asina miembro di partido Arthur Dowers a confirma diamars mainta despues di a reuni cu informadornan LaSorte y Werleman riba formacion di gobierno. Ademas, Dowers a bisa cu a pidi un asina yama ‘ordermaatregel’ pa para destruccion di e stembiljetten di e eleccion. No ta conoci si huez lo concede nan e casonan aki, pero e ta e siguiente paso despues cu siman pasa e partido no a logra convence e presidente di CSE Glenn Thode pa e reconteo. Cu e caso aki, nan ta spera cu ainda por logra haci e reconteo. E partido ta para ariba cu pa un cantidad minimo di voto, e  resultado por tabata di tal forma cu e partido lo a haya un asiento mas, esta cu envez di partido MEP haya    9 asiento, tur dos haya 8. 

  • Ministerio Publico a stop di tuma keho di supuesto iregularidad electoral

    Ministerio Publico a stop di tuma keho di supuesto iregularidad electoral

    ORANJESTAD - Ministerio Publico a stop di tuma keho di supuesto iregularidad electoral. Asina nan ta informa den un comunicado diaranson mainta. Segun e instituto, desde algun dia Ministerio Publico ta wordo acerca tocante supuesto iregularidadnan durante e ultimo eleccionnan. E supuesto iregularidadnan aki ta wordo comparti mas tanto riba social media. 

  • Powered by SETAR