Encuesta KVK: Evelyn Wever a gana debate y mas hende sa pa ken vota awor

ORANJESTAD – Segun e encuesta haci pa Camara di Comercio mes ( y no esun di Noticiacla/Doc Opleidingen) den cual televidentenan a participa durante e debate diahuebs anochi, lider di partido MEP Evelyn Wever a gana e debate cu 54%, sigui pa pa lider di partido AVP Mike Eman cu 13%, Ursell Arends di RAIZ y ACCION21 cu 8%. Esnan na ultimo lugar tabata CURPA, HTC, UPP y PP cu 0.5%. 

SA PA KEN VOTAE siguiente pregunta tabata pa sa si despues di e debate, cuanto hende sa caba pa ken nan vota. Aki 86% a vota cu si, mientras cu 14% a bisa cu ainda nan no sa pa ken. E cifranan aki ta mustra cu e debate diahuebs a yuda 7.8% persona mas di dicidi. E grupo di hende cu tabata sa caba na e prome debate tabata 78.20%. E grupo indeciso a bira menos cu 7.57%. Biaha pasa e grupo ey tabata 21.8%. 

NOTICIACLA

Noticiacla y Doc Opleiding ta conduciendo su propio encuesta riba e resultado, y lo publica esaki den e fin di siman aki.