Denzel Dumfries a bolbe resalta den victoria di Hulanda contra Austria

Denzel Dumfries a bolbe resalta den victoria di Hulanda contra Austria

Posted on 06/17/2021 6:01 pm AST | Updated on 06/17/2021 6:02 pm AST

AMSTERDAM – Cu e victoria diahuebs di e seleccion nacional di Hulanda contra Austria di 2-0 den e Copa Europa, e ekipo a postula su mes como ganador di su grupo, y a postula su mes pa e octavo di final. Tabata un penalty (danki na un atropeo riba Denzel Dumfries) di Memphis Day cu a habri e wega 1-0 pa Hulanda. Despues tabata atrobe e mesun Denzel Dumfries cu a hinca e gol final (dos gol den dos partido), cu a percura pa e victoria. Dialuna e seleccion tin cu hunga ainda contra Noord Macedonia pa despues sigui den e siguiente ronda otro siman diadomingo (no esun aki) na Budapest contra e number tres di grupo D, E of F. Eseynan no ta conoci ainda. Ta haci mencion di p.e. Portugal of Alemania entre e posibilidadnan. Notable tabata e naracion Hulandes cu a pone hopi atencion riba Dumfries, y dado momento a bisa cu ‘e forza di Dumfries ta sin igual’, y ‘Esaki ta keda e torneo di Dumfries’, indicando cu tanto den e prome como e di dos wega, Dumfries tabata e homber clave. Den e prome wega e la hinca e gol ganador, y den e wega aki, ta danki na dje, Hulanda a haya un penalty y unda cu e mes a hinca e di dos gol. Aki na Aruba e gritonan tabata hopi, mirando cu Dumfries tin famia na Aruba (su propio tata ta Rubiano).

  • Frontera di Merca ta keda cera pa Hulanda te casi fin di otro luna

    Frontera di Merca ta keda cera pa Hulanda te casi fin di otro luna

    WASHINGTON/DEN HAAG – Frontera di Merca ta keda cera pa Hulanda por lo pronto. Merca ta mantene e regla aki pa evita plamamento di e brote di e coronavirus y sigur debi na e variante Delta. Biaheronan cu kier drenta Merca, no ta welcome si dos siman prome nan tabata den Gran Britania, Inglatera, Paisnan Shengen (Hulanda ta un di e paisnan aki) , Brazil, China, India, Iran of Sur Africa. E frontera ta keda cera te por lo menos 21 di augustus pa hende cu no tin motibo urgente pa biaha pa Merca. 

  • Tur biahero cu drenta Hulanda di un pais geel, mester tin coronapas digital

    Tur biahero cu drenta Hulanda di un pais geel, mester tin coronapas digital

    DEN HAAG – Tur biahero desde 12 aña di edad cu bolbe Hulabnda di un pais ‘geel’, mester desde 8 di augustus tin un coronapas digital. Esaki kier men cu nan ta completamente vacuna of tabata negativo maximo 48 ora prome cu buelo. Esun cu ta positivo, no por biaha. Esun cu no tin un prueba di test of vacuna, ta haya un multa di 95 euro. Esey e gabinete demisionario a dicidi. Mes momento ta cambia e colornan di conseho di biahe. Hulandesnan no ta wordo recomenda mas pa no biaha pa paisnan di Union Europeo si tin un grado halto di contagio di Corona. Ta solamente si tin variantenan nobo preocupante cu presenta, lo pone un pais riba orañ of cora. Desde diamars, tur pais di Union Europeo ta riba geel of berde.  E medida ta entrante 8 di augustus pa tur paisnan di Union Europeo pero ta conta caba pa hende cu bin di Spaña, Portugal, Cyprus of Andorra. Nan ta riba cora awor pero ta bira cora desde 8 di augustus. Biahero di vacacion cu a bin di un pais heel, ta haya un conseho pa dia di yegada y riba e di 5 dia, haci un self test of pa laga GGD test nan. Esnan cu tabata den un pais di Union Europeo, no mester bay den cuarentena obligatorio, a lo menos cu ta un pais cu tin un variante nobo. 

  • Louis van Gaal ta bira director technico di seleccion Hulandes di futbol

    Louis van Gaal ta bira director technico di seleccion Hulandes di futbol

    ZEIST - Louis van Gaal (69) ta bira e director technico di e seleccion Hulandes. E federacion nacional di futbol Hulandes KNVB a cera un acuerdo cu e entrenador veterano pa 18 luna y mester guia e ekipo Orao pa e Campeon mundial di Futbol 2022 na Qatar. Hunto cu van Gaal, lo usa Danny Blind, Frans Hoek y Henk Fraser como asistente. E yiu di Blind Daley tambe ta forma parti di e seleccion.   

  • Filanan largo di hende pa tuma despedida di periodista Peter R. de Vries na Hulanda awe

    Filanan largo di hende pa tuma despedida di periodista Peter R. de Vries na Hulanda awe

    AMSTERDAM – Filanan largo di mas di 100 meter, tabata e scenario na Amsterdam awe unda cu publico por a dispidi di e periodista di crimen Peter R. de Vries cu siman pasa a fayece a consecuencia di e heridanan ricibi di e atentado riba su bida un siman prome. Cu un potret grandi di e periodista na e fachada di e Teatro Real Carré , tabatin fila di hende pa despedi di dje. E rij ta dura casi 3 ora largo. 

  • Hulanda a dicidi contra extra medida pa Coronavirus dialuna

    Hulanda a dicidi contra extra medida pa Coronavirus dialuna

    DEN HAAG – No ta bin extra medida na Hulanda pa combati e Coronaviruys. Riba conseho di Outbreak Management Team (OMT), e gabinete Hulandes no a mira necesidad pa haci esaki, segun minister presidente demisionario Mark Rutte a bisa dialuna. “ Porta cu otro siman mi ta para aki cu un mensahe completamente diferente, pero mi ta spera cu no” e mandatario a sigui bisa. Segun minister demisionario di salud de Jonge, e ta haya si cu e cantidad di contagio ainda ta hopi halto, pero a cuminsa stabilisa. Tabatin 9 mil contagio nobo dialuna, cu tabata menos cu e siman anterior. Ademas, e cantidad no ta traduci den mas hospitalisacion, esaki debi na e cantidad di casonan vacuna. 

  • Entrada principal di edificio di compania di media N.O.S. cera pa menasa

    Entrada principal di edificio di compania di media N.O.S. cera pa menasa

    HILVERSUM – E entrada principal di e edificio di Nederlands Omroep Stichting (NOS), considera como e medio mas importante y conoci di Hulanda  a keda cera diabierna mainta debi na un mensaha. Ta trata mas sigur cu ta menasa relaciona cu e caso di morto di e periodista Peter R. de Vries pero no por a confirma esaki. E periodista en cuestion a fayece diahuebs mainta a consecuencia di e heridanan ricibi un siman prome di un atentado riba su bida.  

  • Powered by SETAR