Gobernador di Kiwanis EC&C a honra miembronan di Crisis Team di Aruba

Posted on 06/17/2021 2:58 pm AST | Updated on 06/17/2021 2:59 pm AST

ORANJESTAD -  Despues di casi 40 aña, Kiwanis Club of Aruba tabatin e honor y privilegio cu un di su miembronan, Robert ‘Bob’ Spellen, por a ocupa e cargo di Gobernador di Eastern Canada and the Caribbean District 2019-2020. Un experiencia unico pa e famia di Kiwanis na Aruba, sinembargo locual a haci esaki mas memorabel ainda ta, cu Bob a ricibi e status di ‘Distinguished Governor’. Logrando e reconocimento aki, memey di un pandemia, tabata un reto mas grandi. E titulo di ‘Distinguished Governor’ el a logra cu: dedicacion, comunicacion, confiansa, responsabilidad, credibilidad, hopi empatia y siendo humilde, mas otro responsabilidad. 

Señor Spellen a reconoce diferente persona den e districto cu ta consisti di 362 club, cu a destaca den nan trabou na bienestar di nan comunidad, y sigur na su pais tambe tin persona cu merece pa wordo reconoci. P’esey e ta un ocasion  hopi special pa Distinguished Governor, Robert Spellen, hunto cu e famia Kiwanis na Aruba, cu ta consisti di 4 club y su miembronan, pa honra 5 persona den nos comunidad den nomber di Kiwanis EC&C. Na e ocasion special di entrega di e reconocimentonan aki, Sr. Spellen a hiba un discurso, caminda el a elabora riba e trabou incansabel di e cinco personanan aki, cu durante mas di un aña a brinda e informacion necesario, di tur loke tabata sosodiendo en conexion cu Covid-19. E personanan cu a ricibi un reconocimento pa nan perserverancia, dedicacion y pa promove salud pa garantisa e siguridad publico ta: Sra. Evelyna Wever-Croes, Prome Minister di Aruba, Sra. Sharline Koolman-Wever, Head Services Infectious Diseases – DBZ, Sra. Vanessa N.G. Tjon-Kock, Commissioner Police Force Aruba, Sra. Ronella Croes,  Chief Executive Officer ATA y Sr. Rino Hermans, Disaster Management Advisor Government of Aruba. Hunto cu e Crisis Team nan a cumpli cu e tarea importante pa mantene nos comunidad informa di e desaroyo di e pandemia mundial y principalmente riba nos isla. E medidanan a wordo tuma den consulta cu e Crisis Team, unda despues mester a informa nos pueblo. Esaki ta locual e personanan aki a haci durante 15 luna. Nan a mantene nan mes firme na e decisionnan tuma aunke con duro e tabata, y nos ta gradicido na esaki. Aruba awo ta un “role model” pa varios pais pa e forma con e situacion di Covid-19 a wordo maneha. Danki na e personanan aki, nan liderazgo, dedicacion y nan energia positivo hunto cu henter e Crisis Team, awe nos ta disfrutando di e resultado di nan trabou pa cual nos mester ta hopi orguyoso cu e logro aki. Pa e motibo aki, Sr. Spellen a entrega nos Prome Minister, Evelyna Wever-Croes, un plakaat tambe pa e entrega na e Crisis Team. Distinguished Governor di Eastern Canada & the Caribbean District di Kiwanis International, Sr. Spellen, a gradici e miembronan di Kiwanis Club of Aruba, Kiwanis Club Palm Beach, Kiwanis Young Professionals, y Kiwanis Club of San Nicolas pa nan sosten y alabes a gradici su esposa, Mary Spellen, pa e apoyo di semper brinda na su persona.

  • Kiwanis Club of Aruba a reconoce e top studiantenan di Colegio Arubano

    Kiwanis Club of Aruba a reconoce e top studiantenan di Colegio Arubano

    ORANJESTAD - Diasabra ultimo na Caribbean Cinemas a tuma lugar Kiwanis Club of Aruba su di 25 evento anual “Clint Whitfield Outstanding Student Award” pa e studiantenan di Colegio Arubano cu a sobresali den e an?a escolar 2020 - 2021.

  • Concierto di Leerorkest Aruba a bira realidad

    Concierto di Leerorkest Aruba a bira realidad

    ORANJESTAD - Leerorkest Aruba a pone como 300 alumno a duna nan prome concierto cu nan instrumentonan orkestral. Recientemente, den e ultimo siman di scol, alumnonan di cinco scol piloto Colegio Laura Wernet Paskel, Prinses Amalia Basisschool, St. Paulus School, SOAZA y Graf von Zinzendorf a bini hunto pa toca, canta y baila yen di entusiasmo, expresando nan conocemento musical cu Leerorkest Aruba a brinda na nan. No solamente grupo di alumno a haya AMV cu ta Algemene Muziekvorming, pero pa varios, nan a haya e oportunidad unico pa keda introduci na instrumentonan manera violin, cello, trombone, trompet, clarinet, dwarsfluit. Y asina mes, despues di apenas cuater luna di les di instrumento, un biaha pa siman, nan por a acompaña nan co-alumnonan mas hoben cu a canta cu hopi gana. E tabata un momento unico na unda por a mira e alegria riba e caranan di no solamente e alumnonan, pero tambe e docentenan y di tur cu tabata presente. Un cabezante di scol, Eta Geerman di Laura Wernet Paskel por ehempel a expresa su emocion pa mira su muchanan forma un orkesta real y e impacto positivo cu musica y e esfuersonan di Leerorkest Aruba tabatin riba tur mucha cu ta atende e scol. Es mas a mira un adelanto grandi den resultado escolar en general. “Alumno y docentenan, tur ta contento,” ta locual Geerman a expresa. Su opinion ta comparti pa tur na e otro scolnan cu ta participa den e proyecto piloto di Leerorkest Aruba cu tin e ambicion cu denter di algun aña, tur alumno di scol na Aruba haya e oportunidad pa participa na e programa di musica y instrumento, cu ayudo di diferente docente di musica cu ta traha parttime cu Leerorkest Aruba, pero ta duna 100 porciento di nan energia pa e muchanan.

  • Aruba tin un banda musical nobo cu yama Suona

    Aruba tin un banda musical nobo cu yama Suona

    ORANJESTAD – Aruba tin un banda musical nobo cu yama Suona.  Despues di algun luna di preparacion y organisacion, awe Piar Productions, bou di direccion di Raul Piar, ta anuncia lansamento oficial di e banda musical SUONA.  SUONA ta nifica: It Sounds! ta consisti di 6 integrante no desconoci den mundo di farandula y musica cu ta e.o. Chendell Beaumont, Arianne Westerburger y Jerwin Hernandez lo ta e cara y voznan den front y e parti musical ta na encargo di Adair Kelly, Urvin Danker y Raul Piar (director musical). Sin laga afo e profesionalnan cu semper tin un tremendo zonido cu lo carga e banda cu ta High Performance Aruba.

  • Mata, paña, buki y articulo di cas lo ta enfoke na e di dos Rotary Container Sales

    Mata, paña, buki y articulo di cas lo ta enfoke na e di dos Rotary Container Sales

    ORANJESTAD - Diadomingo 18 di juli 2021 Rotary Club Aruba lo organisa e di dos “Rotary Container Sales” na Club Kibrahacha 60+ na Piedra Plat. Despues di un benda exitoso siman pasa diadomingo Rotary Club Aruba ta cla pa recibi e comunidad di Aruba na e di dos “Rotary Container Sales”

  • Rotary Club Aruba ta introduci “Rotary Container Sales”

    Rotary Club Aruba ta introduci “Rotary Container Sales”

    ORANJESTAD - Diadomingo 11 di juli 2021 Rotary Club Aruba lo presenta “Rotary Container Sales” na nos comunidad di Aruba. E idea aki a nace como cu Rotary Club Aruba tin 2 aña sigui cu no ta organisa e popular Fiesta Rotaria. E pandemia Covid-19 a introduci diferente rekesitonan y medidanan riba nos comunidad cu a haci Fiesta Rotaria den su formato di custumber imposibel.

  • Rotary Club Aruba a instala su directiva nobo pa 2021-2022

    Rotary Club Aruba a instala su directiva nobo pa 2021-2022

    ORANJESTAD - Diasabra siman pasa Rotary Club Aruba a instala su directiva nobo pa 2021–22. Presidente saliente Geert Rep a hiba un discurso pa asina duna un relato di su aña. Un aña diferente door di e pandemia covid-19 cu a sigui impacta nos isla pero sigur uno memorabel. Geert ta sumamente orguyoso di e miembronan y di e club cu a sa di duna nan sosten pa asina Rotary Club Aruba por a sigui cu su aporte y sosten na diferente fundacionnan riba nos isla.

  • Powered by SETAR