- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Zr.Ms. Holland a haci dos captura grandi di droga riba un solo anochi
ORANJESTAD - E barco di Marina Hulandes Zr.Ms. Holland durante e anochi di 10 pa 11 di juni a interceptaá dos transporte grandi di droga. Den Laman Caribe e barco di patruya pa Region Caribe, den un tempu cortico a logra obliga un asina yama ‘go-fast’ pa stop.
Ambos captura di droga a tuma luga apenas un par di ora despues di otro. Durante e prome persecucion e dos botonan rapido di Zr. Ms. Holland, e asina yama FRISC, a keda desplega. Segun proseduranan e barco a keda ordena pa stop. Despues di prome tironan di advertencia, al fin e boto a stop, despues di a ricibi tironan dirigí riba e motornan.
Cerca e tres personanan abordo a encontra un arma di candela semi-automatico. Tambe a confisca mas ku 700 kilo di cocaina. Un gran parti di esaki net prome cu e intersepcion ya kaba a keda tira for di e boto go-fast y despues por a recohe esaki cu e FRISC. Di e tres personanan a bordo, dos tin e nashonalidad Dominicano i unonacionalidad Colombiano.
Dobel sla
Despues di e prome captura atrobe a canta bingo. Den mainta tempran un di dos go-fast a keda detecta. E boto aki tambe a ignora diferente peticion pa stop i un biaha mas a los tironan di advertencia. Finalmente e helicopter maritimo NH90 tabata obliga pa tira dirigi riba e motornan.
Despues di esaki Zr.Ms. Holland pa medio di su dos FRISC-nan, ku tabatin a bordo un ekipo combina di Wardacosta Mericano y Cuerpo di Marina, por a detene e personanan cu tabata riba e go-fast y saca e droga for di laman. Ku e di dos capturanan cu tabatin involucra 585 kilo mas di cocaina. E tres personanan di e di dos boto tur tabatin nacionalidad Venezolano.
Pa motibunan di seguridad a dicidi di tuma e sospechosonan a bordo. E sospechosonan di e contrabanda mas despues a keda traspasa pa un barco di Wardacosta Mericano.
Aruba presente na Merca pa congreso di crimen cibernetico
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
Aruba ta conoce su di 4 morto di trafico pa 2024
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Follow NoticiaCla
