Resultado di eleccion di Reina di Scol 2015

ORANJESTAD - Un total di 9 bunita y simpatico participante a competi den 3 categoria di eleccion reina di scol 2015: 5 den categoria Infantil – 3 den categoria Pre Teen y 2 den categoria Hubenil. E animo di e participantenan como e publico tabata hopi halto y cada candidata sa di duna un tremendo presentacion. E tarea di e huradonan, di cual tabata hopi bon escogi, sigur no tabata nada facil, mirando cu cada candidata tabata hopi bon prepara, fuerte y dispuesto pa conkista e titulo maximo.

E stage tabata completamente decora den e colornan di Garnier, unda cu e candidatanan a demostra talento y habilidad den e trahenan recicla, como cu esey ta un di e visionnan primordial di Garnier.

E resultado final tabata lo siguiente:  

Den categoria Infantil: E titulo maximo di Reina Infantil di Scol 2015 a bay pa Raiy-Shenne Girigorie representando Maria School y tambe a conkista e titulo di ?Best Speech. Sayenne Leest representando Colegio Felipe Tromp a conkista e titulonan di: 1st Runner Up – Mas Popular y Miho Show. Qiany Lejuez di Colegio Santa Filomena a conkista e titulonan: 2nd Runner Up y Best Costume.

Den categoria Pre Teen: Como Reina Pre Teen di Scol 2015, e hobencita?Ashantee Martus, representando St. Dominicus College a logra conkista e titulo maximo hunto cu e titulonan di: Mas Popular – Miho Show – Miho Speech. E titulo di Best Costume y 1st Runner Up a bay pa e hobencita; Josienne Maduro, representando Maria Regina School y como 2nd Runner Up a keda Annais Thiel, representando Colegio San Hose.

Den categoria Hubenil: Reina Hubenil di Scol 2015, e damita?Shaydee Kock di Maria College Mavo, a sa di conkista e titulo y tambe e otro titulonan di: Mas Popular – Best Costume y Miho Speech. Como 1st Runner Up a keda den persona di e damita Aimee Kock, representando Juliana School Hato.?