MEP y AVP: No tin parada di auto diadomingo awor mas!

ORANJESTAD – Tanto partido politico MEP como AVP a dicidi hunto cu no ta bay tene nan parada di auto diadomingo awor. Esaki a keda dicidi durante un reunion diaranson atardi na oficina Bureau Rampenbureau. Esaki pa buena marcha y a dicidi cu cada partido ta bay sigui campaña di otro forma diadomingo awor. Un parada ta wordo considera 10 auto tras di otro segun cuerpo policial y a cera un gentleman’s agreement. 

REUNION

E reunion a tuma lugar ya cu ambos partido tabatin deseo pa tene un parada grandi, pero esey lo a crea un problema. Ora cu a presenta e opcionan, un di nan cu a keda ofreci, tabata pa tira lot. Aki ta ambos partido a dicidi e ora pa no haci nada awor, y laga e parade pa esun di victoria cu ta diadomingo 27 di juni proximo. MEP su presidente Hendrik Tevreden a pidi pa simpatisantenan tene nan mes na e acuerdo y pa despues enfoca riba e victoria cu lo por tin un parada toch e ora. Den pasado tabata asina caba cu e partido cu gana e eleccion, ta haya derecho pa tin un parada. Pero tabata na 2017 cu tabatin un caso sumario pa asina duna derecho na e partido politico pa tene un parada. Aki, huez a stipula kico por a sosode.