Comision a entrega conseho con corta den salud sin afecta calidad di cuido

ORANJESTAD - Representantenan di cuido medico ta sumamente orguyoso y satisfecho cu a completa e raport di conseho basa riba e ultimo peticion di Gobierno di Aruba na fin di mei 2021. Awe mainta a tuma luga entrega di e raport aki na Minister di Salubridad, sr. Dangui Oduber compaña pa e respresentantenan Aruba su sector di cuido medico. E encargo cu a sali for di e Decreto Ministerial na e comishon aki tabata pa ‘duna conseho en cuanto alternativa nan con pa reduci gasto relaciona cu implementacion di e 5 wave model cu a ser traha pa UO AZV’.  E documento di conseho cu a ser otorga ta brinda alternativanan cu ta sigui e implementacion di e “AZV – 5 model”. E diferencia grandi di e conseho otorga compara cu e “AZV – 5 model” ta cu awo si ta mantene e calidad di cuido. Ya tin algun reduccion tumando luga riba corto plaso y e caracter structural di e reforma nan ta pone cu riba termino largo e efectonan di reduccion pa Aruba lo ta mas ainda cu loke por ser logra cu e “AZV – 5 model”. No a haci mencion specifico den e raportahe aki si, di unda precies kier corta. 

Sector di cuido medico kier enfatisa cu e cortamento di 60 miyon cu ainda tin riba cuido ta haci hopi daño riba e calidad di cuido na comunidad di Aruba. Tambe e ta nifica cu no tur cuido por wordo duna na comunidad di Aruba cu tur su consecuencia nan cu esaki ta trece cu ne. E document di conseho aki ta demonstra esey. Ta duna tambe oportunidadnan pa un miho cooperacion, sincronisacion, eficiencia y inversion pa mehoracionnan structural dentro di e sector . Y tambe pa medio di un colaboracion mas extenso cu AZV y Gobierno por hiba Aruba na ta un isla mas saludabel. E sector di cuido medico ta mira e conseho aki como un comienso pa un cambio fructifero den e organisacion di e sistema di cuido na Aruba. Asina den futuro tin un Aruba medico y financieramente saludabel pa tur Arubiano y e sector turistico cual ta esencial.

Durante otorgamento di e documento, minister Oduber a gradici sr. Ronnie van Trigt como presidente independiente di e comision y tambe tur partner den cuido pa nan empuhe y confiansa.

Imagen di robes pa drechi: Marilu Koolman – Beleid coördinator SZA/ Secretaris Commissie Nationale Hervormingen in de Zorg

Joel Rajnherc – Directeur Instituto Medico San Nicolas

Babet Latour – Vertegenwoordiger Medisch Specialisten

Jacco Vroegop – Voorzitter Raad van Bestuur Stichting Ziekenverpleging Aruba

Ronnie van Trigt – Voorzitter Commissie Nationale Hervormingen in de Zorg 

Dangui Oduber – Minister van Toerisme, Volksgezondheid en Sport

Lex de Jong – Lid Raad van Bestuur Respaldo

Joaquin van Trigt – Voorzitter Huisartsenvereniging Aruba

Heidi Marchena – in vertegenwoordiging van de Arubaanse Vereniging Apotheken

Ralph Brion – Apotheker Botica di Servicio