- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
- Seleccion di futbol Hulandes PSV tin posibilidad pa titula campeon di Hulanda awe nochi
- Arubahuis a tene un ‘Ban Topa’ cu studiantenan na Den Haag
Celebrity Millennium a dicidi di bolbe Aruba e siman aki mes!!
ORANJESTAD - E intencion tabata pa e crucero regresa nos isla te otro siman bek, pero e bapor crucero Celebrity Millennium ta bolbe e siman aki caba. Segun Aruba Ports Authority, e motibo duna ta cu ta e recepcion, e protocolnan di salud y e calor di nos Arubianonan a haci cu Celebrity Cruises a dicidi e siman aki cu ta adapta e iterinario di Celebrity Millennium y ta regresa e siman aki mes atrobe. Siman pasa e bapor a inicia su biahenan y Aruba tabata riba e prome ittinerario. Ta e mesun bapor riba cual dos pasahero a test positivo pa Covid19. E crucero ta sali for di Sint Maarten, ta pasa Barbados, Curacao y Aruba, pa despues regresa Sint Maarten atrobe. Ta obvio cu Aruba ta sigui halto riba e lista di wafnan mas gusta y preferi pa pasaheronan riba cruceronan. E atencion special aki y peticion pa un "call" adicional ta demostra e confiansa den nos isla.
REGULARMENTE
Diahuebs awor, 17 juni, nos lo yama Celebrity Millennium bon bini un biaha mas den nos waf. Pa awor, Celebrity lo sigui bishita Aruba regularmente te cu Augustus. A adapta tur nan protocolnan di salud hunto cu e instancianan di salud di Merca y tur e islanan unda nan ta bishita riban nan iterinarionan.
FASE
Pa awo e cruceronan lo start den fase y cu capacidad reduci pa garantisa espacio natural. A introduci mas tecnologia moderno pa adapta nan proceduranan ora di check in y ora di bandona e crucero.
DESAROYO POSITIVO
"Sigur cu esaki ta un desaroyo sumamente positivo pa nos isla, unda cu nos ta wak e parti aki di nos economia tambe recuperando. Aruba ta keda un destinacion preferi pa e turistanan crucero y esaki ta keda demostra un biaha mas.” asina Marc Figaroa, director di Aruba Ports Authority a duna di conoce. Segun APA, e turistanan ta gosa masha hopi mes aki y sigur nos lo kier pa nan regresa bek. Tin di nan hasta a considera Aruba como e miho destinacion den henter e trip. "Pesey ta importante pa Aruba sigui cuida y sigui baha e casonan activo di Covid. Menos caso activo nos tin, miho prepara nos ta den protocolnan di salud, mas e pasaheronan lo sigui vota pa Aruba ta riba iterinario di e cruceronan como un destinacion perferi den caribe", segun Marc Figaroa a expresa.
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
