Na Colegio Arubano resultado di examen tabata basta halto

ORANJESTAD – Mayoria scolnan secundario a ricibi nan resultado di examen diahuebs merdia pa atardi. Entre nan, tabatin esun di Colegio Arubano cu durante e 1e tijdvak, HAVO a logra 79% Slagingspercentage mientras cu VWO a logra 89% slagingsspercentage. Ta trata di un total di 291 alumno di HAVO y 69 di VWO cu a participa den examen e an1a aki. Esnan cu no a logra e prome parti, tin chens pa e 2e tijdvak cu ta inicia dia 14 di juni proximo. Dia 2 di juli, nan lo haya nan resultado. Den un forma di drive thru pa cumpli cu e reglanan di DVG, a haci e resultado conoci. Hopi alegria entre esnan cu a gradua den e prome intento y por anota mayornan a bay ‘all out’ cu nan yiunan y celebra esaki den forma hopi creativo.