ATA: Recuperacion di nos turismo den e direccion optimista

ATA: Recuperacion di nos turismo den e direccion optimista

Posted on 06/11/2021 10:10 am AST | Updated on 06/11/2021 10:11 am AST

ORANJESTAD - Durante conferencia di prensa CEO di Oficina di Turismo Ronella Croes a duna di conoce di ta sumamente contento cu nos comunidad a duna oido na e campaña pa vacuna, y cu e total di 65% di nos populacion vacuna awor ta dunando su fruto.

Combina cu e grado di vacunacion cu a tuma luga ultimo tempo den diferente mercado, esaki ta pushando nos recuperacion turistico y economico, principalmente for di Merca. Esaki ta duna indicacion di cu Aruba por ta moviendo di e grado di recuperacion ‘cautelosamente optimista’ pa esun ‘optimista’ pa 2021.

Otro factornan tambe ta pushando nos recuperacion, incluyendo Aruba su mercadeo fuerte. Tambe e sentido di siguridad cu e bishitante ta sinti ora nan bishita nos destinacion. Ademas, e hecho cu algun mercado ta cera ainda of no ta atractivo pa bishita door di un maneho no adecua pa loke ta trata e virus Covid-19. Tur e factornan aki ta brindando Aruba un grado di recuperacion acelera.

Como resultado di esaki, pa luna di mei Aruba a ricibi un total di 70,683 bishitante cu ta 20% turista mas di loke Aruba a ricibi na april 2021.

Aki por deduci cu for di maart 2021 te cu mei 2021 Aruba su turismo a sigui crece na un manera consistente, unda tur luna a mustra un crecemento fuerte (di “double digit”).

E grado di recuperacion di mei ta di 80% compara cu mei 2019 – cual tabata e ultimo mei ‘normal’ unda turistanan por a biaha sin restriccion ya cu na mei 2020, Aruba tabata cera pa turismo.

Algo remarkabel ta e hecho cu e cantidad di bishitantenan cu Aruba a ricibi procedente for di Merca na luna di mei, ta yega casi 100% di locual Aruba a ricibi for di Merca na mei 2019.

Pa juni Aruba ta spera un total rond di 74.500 bishitante y cu esey Aruba lo por ta cerando e prome mita di aña 2021 cu un grado di recuperacion di 55% compara cu e prome mita di aña 2019.

E grado di recuperacion di e di dos kwartaal di 2021 ta proyecta pa ta 72% compara cu e di dos kwartaal di 2019. Y esaki lo ta un crecemento di 81% compara cu e prome kwartaal di 2021. Pues un recuperacion fuerte!

Cu e resultadonan aki ta proyecta y expectativa actual pa e segundo mita di 2021, ta proyecta un grado di recuperacion total di 68% pa e aña completo compara cu locual nos a ricibi na 2019. Asina nos lo ta pues moviendo for di e scenario memey cu nos ta yama esun di ‘cautelosamente optimista’ pa esun ‘optimista’. E ultimo aki ta basa riba un tasa di recuperacion di minimo 60% compara cu 2019. Esaki ta indica cu e recuperacion pa loke ta trata bishitantenan pa nos destinacion ta riba un bon caminda y cu kisas den 2022 of 2023 lo por yega bek na e cifra cu nos a mira na 2019.

Esaki lo ta un recuperacion relativamente rapido for di e crisis inmenso aki.

Hecho tambe cu Aruba ta adelanta den recuperacion turistico compara cu otro destinacionnan den Caribe.

  • AAA: Aerolineanan ta agrega mas di 125 buelo na e schedule di Juni y Juli

    AAA: Aerolineanan ta agrega mas di 125 buelo na e schedule di Juni y Juli

    ORANJESTAD – Aruba Airport Authority N.V. (AAA), compania cu ta maneha y opera Aeropuerto Internacional Reina Beatrix (Aeropuerto di Aruba) a raporta e siguiente informacionnan di trafico aereo:

  • Aereoliña Dominicano ta aumenta frecuencia di buelo pa Aruba y Corsou

    Aereoliña Dominicano ta aumenta frecuencia di buelo pa Aruba y Corsou

    SANTO DOMINGO – E aeroliña Dominicano Air Century ta aumenta e frecuencia di buelo pa e.o. Aruba proximamente. Asina e aeroliña a anuncia e siman aki. Esaki ta debi na e demanda aumentando den e region aki pa motibo di e progreso di e vacunacion contra e pandemia. E aeroliña, fuera di su servicio pa Aruba y Corsou tur diaranson, ta aumenta esaki cu un buelo mas riba diadomingo, entrante luna di juli. 

  • BCA: Placa den circulacion na Aruba a crece

    BCA: Placa den circulacion na Aruba a crece

    ORANJESTAD - Compara cu februari 2021, e cantidad di placa den circulacion a crece cu Afl. 38,9 miyon te na Afl. 4.858,2 miyon den e luna di maart 2021. Asina un relato di Banco Central di Aruba ta bisa diahuebs. E crecemento a resulta for di un subida den e reserva activo domestico netto (+Afl. 42,4 miyon) y un bahada den e reserva di divisa netto (-Afl. 3.6 miyon). 

  • Comision a entrega conseho con corta den salud sin afecta calidad di cuido

    Comision a entrega conseho con corta den salud sin afecta calidad di cuido

    ORANJESTAD - Representantenan di cuido medico ta sumamente orguyoso y satisfecho cu a completa e raport di conseho basa riba e ultimo peticion di Gobierno di Aruba na fin di mei 2021. Awe mainta a tuma luga entrega di e raport aki na Minister di Salubridad, sr. Dangui Oduber compaña pa e respresentantenan Aruba su sector di cuido medico. E encargo cu a sali for di e Decreto Ministerial na e comishon aki tabata pa ‘duna conseho en cuanto alternativa nan con pa reduci gasto relaciona cu implementacion di e 5 wave model cu a ser traha pa UO AZV’.  E documento di conseho cu a ser otorga ta brinda alternativanan cu ta sigui e implementacion di e “AZV – 5 model”. E diferencia grandi di e conseho otorga compara cu e “AZV – 5 model” ta cu awo si ta mantene e calidad di cuido. Ya tin algun reduccion tumando luga riba corto plaso y e caracter structural di e reforma nan ta pone cu riba termino largo e efectonan di reduccion pa Aruba lo ta mas ainda cu loke por ser logra cu e “AZV – 5 model”. No a haci mencion specifico den e raportahe aki si, di unda precies kier corta. 

  • Lotto: Maneho di gobierno a causa cu ta invertiendo menos den deporte

    Lotto: Maneho di gobierno a causa cu ta invertiendo menos den deporte

    ORANJESTAD - Director di Fundacion Lotto pa Deporte, Roland Tuitt, a sigura di ta hopi contento cu a logra haya cuentanan anual pa accountant di tur e ultimo añanan. Asina e director ta bisa den un comunicado diaranson. Segun e director, lamentablemente e ex-director no a atende cu esaki y awo e fundacion a hay'e ta procesa tur e cuentanan atrasa. Awor a caba di publica e relatonan anual di aña 2015 te cu 2019. Esun di aña 2020 lo keda cla cu ne prome cu fin di aña. E ora por bisa cu lo ta completamente up-to-date.

  • DOW ta ‘hala atencion’ publicamente di contratistanan na Saliña

    DOW ta ‘hala atencion’ publicamente di contratistanan na Saliña

    ORANJESTAD – Diaranson DOW a publicamente reclama ‘contratistanan’ cu ta construyendo rond di e area di Saliña di e loke nan a laga ‘atras’. Cu muestra di potret, DOW a ‘pidi’  e contratistanan cu ta construiendo rond di e area di Saliña pa no laga ningun tipo di materiaal nan di construccion tira den e Saliña’. “Por favor tene cuenta” e mensahe breve di DOW ta bisa riba nan pagina di Facebook. No ta haci mencion tampoco di cua contratista ta responsible pa a laga e material tira bandi caminda sin mas ni cua proyecto of trabou, e conrtratistanan lo ta trahando ariba dje.  

  • Powered by SETAR