Buelo directo pa Aruba for di Eindhoven, Hulanda tambe e aña aki

EINDHOVEN – Pa fin di aña aki, lo ta posibel tambe pa bula for di otro aeropuerto di Hulanda, cu no ta Schiphol, pa Aruba cu un buelo directo. Awe Arke anuncia cu entrante 1 november di e aña aki, nan ta cuminsa bula dos biaha pa siman for di Eindhoven, Hulanda, pa Corsou y Aruba cu un Boeing Dreamliner.

Te cu awor, destinacionnan for di aeropuertonan regional, tabata limita pa solamente buelonan den Europa y Marocco. Pero segun Arke y Eindhoven Airport, biaheronan kier sali mas y mas for di nan propio region, pa nan destinacion vacacional. Ta tambe e prome biaha cu e Dreamliner nobo lo lanta buelo for di un aeropuerto regional. Arke tabata e prome aña pasa como aerolinea hulandes pa bula cu e tipo di avion aki den nan flota. Nan ta conta tambe cu biaheronan aleman y belgo.