- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Na Corsou, Parlamento a bai di akuerdo pa prolonga ley di emergencia
WILLEMSTAD – Ayera parlamento a bai “wall to wall” di akuerdo pa prolongá e lei di Estado di Emergensia ku 90 dia mas, esaki kontrali na e promé biaha ku a presentá e lei aki, ora ku e lei a pasa pero no “wall to wall”.
Mester indiká ku ayera Parlamentario Sheldry Osepa tabatin algun pregunta manera dikon mester prolongá ku 90 dia mas, dikon no por a hasi esaki 30 dia. Parlamentario Sheldry Osepa tabata di opinion ku komunidat a komportá nan mes eksepshonal, pero tòg ta mantené e lei. Ta parse ku Gobièrnu a gusta e asuntu di alargá e lei.Minister Eugene Rhuggenaath a splika ku ainda tin e peliger, pa motibu ku tin algun variante aki na Kòrsou i mester mantené e lei pa por aktua mesora si ta nesesario.
Parlamentario Charles Cooper ke mira mihó balanse, den e tim, pero e ta di opinion ku ora e Gobièrnu nobo sinta esei lo bira e kaso, esta ku e ora ei e sektor di ekonomia lo ta representá den e tim.
Minister Rhuggenaath a splika ayera ku Gobièrnu tin un tim multidisiplinario ku representashon di tur sektor inkluso e sektor di ekonomia. Simplemente nan no ta den sala, pero ta sigui e reunion virtual i ta duna nan aporte na e kontestanan ku mester duna.
Parlamentario Gilbert Doran a duna di konosé ku e lei ta bon i ku a prolongá esaki ku 90 dia mas. Doran a indiká ku enbèrdat tabata parse ku na promé instante ta trata di un lei di apoderashon, pero e maneho a demostrá ku no tabata asina. Pues un dado momentu un por pensa sierto kos, pero ora ku mira ku e lei a keda ehekutá den un forma responsabel i korekto, pa na mes un momentu por elogiá ora ku e kos bai bon. Pues pa Doran ta na su lugá pa prolongá e lei. E lei su intenshon di protehá ta bon, pa motibu ku no sa nunka ku lo por bin un di tres ola i si no tin un lei pa protehá bo pueblo, bo por haña problema. Ku esaki tambe por sirbi pa tene sektor di entretenimentu habrí ku reglanan disiplinario pa asina tur hende por sigui disfrutá, pues su persona ta bai di akuerdo ku prolongashon di e lei aki.
Parlamentario Michelangelo Martines apesar di tin problema ku su stèm, a hasi dos pregunta, di kua un di nan ta, dikon no por eliminá e lei i na momentu mester di e lei, ta yama e lei bèk. Pues e ta di opinion ku no nesesariamente mester mantené e lei.
E di dos pregunta ta ku e ke haña un spesifikashon di e 7 mion ku a keda pagá den e proseso di vakunashon for di luna di yanüari te ku awor aki.
Minister Presidente Rhuggenaath a kontestá tur e preguntanan hasí i a splika dikon ainda ta nesesario pa mantené e lei na vigor ku 90 dia mas i despues ku parlamentarionan a risibí e kontestanan, finalmente e lei a keda prolongá ku 14 voto pro i 0 voto kontra.
Mester añadí ku semper tin e posibilidat si parlamento ta sinti ku no mester mantené e lei pa 90 dia mas, Parlamento por yama un reunion i kita esaki. NOTA: E articulo ta scirbi den papiamento fonetico di CORSOU.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Follow NoticiaCla
