Demanda pa para trabou di construccion na e pier di e waf chikito

Posted on 06/10/2021 9:27 am AST | Updated on 06/10/2021 9:43 am AST

ORANJESTAD – Un piscado y dos fundacion ta demandando esnan responsabel pa e proyecto grandi conoci awendia como Harbour House den centro di ciudad na waf. E grupo aki kier pa huez para tur construccion na e asina yama schoenerhaven, osea e waf chikito te ora cu huez dicidi riba e situacion. E grupo, consistiendo di e.o. e piscado Carlos Quandt, Stichting Rancho y Stichting Fundacion Nos ta Aruba ta demanda Poundwise Investment & Development, Gobierno di Aruba, APA, y Harbour House. Interesante ta cu e desaroyadornan, Poundwise Investment & Development cu ta un di e esnan demanda, no tabata na altura di e demanda. 

PROBLEMA

E problema ta cu segun e piscado sr Quant y Stichting Rancho, nan ta wordo perhudica cu e construccion andando, strobando nan acceso na e sitio en cuestion. Mirando e urgencia, y cu e construccion ta den pleno accion, a pidi un asina yama ‘orde maatregel’, cu ta un decision inmediato pa para tur trabou, pendiente e caso y e sentencia consecuentemente. Mientras cu e piscado demandante su nomber so ta aparece, e ta bisa cu e ta representa por lo menos 35 piscador mas cu ta haci uso di e sitio pa haci nan trabou. 

MOU

E grupo demandante ta bisa cu enberdad tin un MOU (Memorandum of Understanding) firma cu e desaroyadornan, pero esaki ta meramente pa e ‘beautification’ di e pier, cu ta algo cu e piscadornan a bay di acuerdo. Pero e no ta cubri e aceso publico y trafico na e pier.  Esey pues no ta cubri pa e MOU segun e demandantenan. E asunto ta uno cu ta andando basta tempo caba, pero mirando e desaroyo actual di e construccion unda cu esaki ta den pleno movesion, e grupo di demandante kier accion awor y a entrega e demanda. 

REACCION DI DESAROYADORNAN

Den un reaccion cortico pa noticiacla, e desaroyadornan esta Poundwise Investment & Development a sigura e portal aki cu nan no tabata na altura di e accion aki (e demanda) te ora cu a puntra nan pa comentario. “Nos ta sorprendi como cu un acuerdo a keda firma recientemente entre Rancho, representa pa Clifford Rosa, sr Dania representando e piscadornan cu ta traha na e waf, Poundwise y APA” e comentario ta sigui bisa. “Nos ta consultando cu nos abogadonan riba e asunto cu a presenta y no tin mas comentario aworaki” tabata e comentario cortico di e desaroyadornan. No ta conoci si huez a concede e ‘orde maatregel’ y ki dia e caso ta tuma lugar.  Por mira e demanda aki, parti den parti UNO y parti DOS

  • Corte: Gobierno mester otorga un kiezersregister ‘adapta’ na partido AVP

    Corte: Gobierno mester otorga un kiezersregister ‘adapta’ na partido AVP

    ORANJESTAD – Minister di Asuntonan General Evelyn Wever Croes tin te diahuebs merdia 24 di juni 2021 pa entrega un copia  (riba papel so) di e kiesregister di Aruba cu ta contene solamente nomber y districto unda e votador mester vota. Asina Corte a dicta diaranson merdia den e caso cu partido politico AVP a entama contra e mandatario en cuestion. Mes momento Corte ta suspende e decision anterior di e minister, pa no otorga e kiesregister na partidonan politico. 

  • Corte ta dicidi diaranson si partidonan politico ta haya e kiezersregister of no

    Corte ta dicidi diaranson si partidonan politico ta haya e kiezersregister of no

    ORANJESTAD – Diaranson awor 23 di juni despues di merdia Corte lo dicidi si e asina yama kiezersregister por wordo duna na partidonan politico dia di eleccion awor. Dialuna mainta Corte a trata e caso sumario cu partido AVP a entama contra Minister di Asuntonan General pa forza huez duna partidonan politico e documento aki. Esaki pasobra Gobierno a dicidi e biaha aki cu pa motibo di privacidad, no ta bay otorga e documento akin na partidonan politico. Tin por lo menos 4 partido cu tambe ta participando na e eleccion pero cu no ta forma parti di e caso, pero cu si ta sostene e lucha aki di e partido berde. No ta conoci pakico nan no a participa na e caso tambe.

  • Kock: No tabatin motibo pa ‘wraak’ e huez cu a prolonga detencion di Sevinger

    Kock: No tabatin motibo pa ‘wraak’ e huez cu a prolonga detencion di Sevinger

    ORANJESTAD – E pensamento cu a surgi den comunidad diasabra cu lo mester a cambia e huez comisario diasabra ultimo cu a dicta riba e prolongacion di detencion di parlamentario Benny Sevinger, no ta wordo comparti pa e abogado di e Parlamentario. Ora cu un abogado sinti cu e huez en cuestion no ta imparcial y of tin conflicto di interes pa cu su caso, e por protesta y haci un apelacion pa cambia e huez (wraak). E comentarionan cu a surgi, ta cu ta cuestiona e huez su relacion di trabou den pasado cu prome minister actual y cu esaki por hacie parcial. Pero segun e abogado, esaki no ta un hecho den e caso aki. 

  • A prolonga detencion di parlamentario Sevinger cu 60 dia

    A prolonga detencion di parlamentario Sevinger cu 60 dia

    ORANJESTAD - Huez comisario a rechasa peticion pa suspende detencion di parlamentario Benny Sevinger diasabra merdia, cu ta nifica cu e prolongacion di encarcelacion di 60 dia dicta anteriormente ta keda vigente. Asina abogado di e parlamentario, esta mr David Kock a confirma pa e portal aki. Esaki kier men cu e parlamentario lo keda encarcela te despues di eleccion. Tambe esey kier men cu e parlamentario lo tin cu vota den KIA mes otro siman diabierna dia 25 di juni

  • Evitando un caso, Ministerio Publico a kita limitacion riba Parlamentario Sevinger na KIA

    Evitando un caso, Ministerio Publico a kita limitacion riba Parlamentario Sevinger na KIA

    SANTA PATIA – Un dia prome e caso contra Ministerio Publico mester a tuma lugar cu cu abogado di parlamentario deteni Benny Sevinger a entama, OM a kita algun limitacion serio cu tabata impone riba su cliente. Y mayan e otro limitacionan lo keda elimina. Pues no tabata necesario mas pa e caso ey tuma lugar. Awor ta pendiente pa e siguiente parti unda cu ta wak si ta libera su cliente otro siman (ora cu e 16 dia di detencion termina) of si e ta keda prolonga un biaha mas. E ora posiblemente lo bringa esaki tambe.

  • Dos abogado a haya castigo pa a viola secrecia di cliente

    Dos abogado a haya castigo pa a viola secrecia di cliente

    ORANJESTAD – Raad van Toezicht op de advocatuur (Conseho di Supervision riba Abogacia) a ‘castiga’ abogadonan mr Hendrik Croes y mr Anthony Ruiz recientemente den un caso cu Fundacion Nos Ta Aruba y sr Jan de Ruijter a cuminsa contra e bufete y e dos abogadonan. Ta trata di un caso unda cu sr de Ruijter ta haya cu e bufete y e abogadonan a viola e secrecia entre cliente y abogado ora cu un trahado di e bufete, publicamente durante un conferencia di prensa di de Ruijter, a saca informacion ‘confidencial’ pafo. Conseho di Supervision riba Abogacia a haya cu enberdad e bufete y e abogadonan ta responsabel y como tal a duna nan cada uno un tipo di castigo. Sr Croes a haya un ‘berisping’ y sr Ruiz a haya un ‘waarschuwing’.

  • Powered by SETAR