Aruba a ricibi su prome bapor crucero cu pasahero despues di un aña!

ORANJESTAD – Despues di un ausencia di 15 luna pa motibo di e pandemia, e prome bapor crucero cu pasahero a yega Aruba diaranson mainta tempran. Ta trata di e bapor crucero Millenium di Celebrity Cruise cu a yega nos isla cu algo mas di 500 pasahero. Cu esaki, Aruba ta cuminsa un momento nobo, y cu ne reglanan ‘nobo’ cu polis a aplica tambe pa esnan cu ta atende e area di waf pa motibo di seguridad. E intencion tabata pa diaranson mainta laat tin un ceremonia special pa conmemora e momento ‘special’ aki. E motibo cu e bapor por a yega, ta debi cu e ta 'desvia' di e regla Mericano cu ainda no ta permiti bapornan crucero sali di su hafnan Mericano. Pero como cu e bapor ta usando un base no Mericano (haf di St Maarten), esaki ta bira posibel. Potret cortesia APA NV.