ORANJESTAD - Tourism Oriented Police (TOP Oranjestad) conhuntamente cu partnersnan envolvi, ta anuncia lo siguiente. En conexion cu apertura di gate number 5 di Aruba Ports Authority cual lo wordo uza pa e pasaheronan di crucero e siguiente reglanan di operacion y prevencion lo wordo aplica. Esakinan tur ta pa mantene orden publico, operacional y siguridad di nos mes y nos bishitantenan.
Tambe TOP kier a recorda tur hende cu tin borchinan na Welcome Plaza cu ta indica cu esaki ta unicamente pa tour operators y havenpersoneel y cu tin orarionan stipula tambe. Esaki pa minimalisa e trafico pa nos mantene siguridad di esnan cu ta opera riba e tereno aki y nos bishitantenan. Tene cuenta cu e borchinan di trafico. Tambe lo tin controlnan extenso di tanto TOP Oranjestad conhuntamente cu DTP y DVG pa optimalisa e operacion na Gate 5.
Reglanan di operacion y prevencion pa Tours:
- Tur pasahero mester uza tapaboca (mondkapje)
- Mester tin handsanatizer abordo di e vehiculo
- Si por tene un lista di nomber di e pasaheronan y di cua barco nan a baha di dje
- Tuma tur medidanan di prevencion
Reglanan di operacion y prevencion Tour Operators :
- Tur tour operator mester uza nan tapaboca (mondkapje)
- Mester tuma 1.5 meter di distancia for otro
- No por causa ningun tipo di aglomeracion di hende
- 5 tour operator so lo wordo tolera cada banda di gate nr. 5. (10 tour guide) cada biaha un e next inline lo tuma su lugar. E otronan tin cu warda nan turno den nan vehiculo
- Mester para na luga asigna cu lo wordo marca. (distanciamento social)
Regreso for di e tours :
- Regreso di tours tambe mester sosode na e drop off zone (parkeer haven diamonds international) pero den un manera responsabel pa evita aglomeracion di e pasaheronan.
Rental operators:
- Tur rental operators lo opera otro banda di caminda dus den e Welcome Plaza
- Solamente un personal pa compania
- Mester usa tapaboca (mondkapje)
- Mester tuma distancia di 1.5 meter for di otro (distanciamento social)
- si por sanitize e vehiculonan prome y despues di wordo entrega
Taxi:
- Tur Taxista mester usa nan tapaboca (mondkapje)
- Mester tin handsanatizer abordo di e vehiculo
- No por causa ningun tipo di aglomeracion di hende
- Taxinan lo opera for di nan taxi stand dilanti di Welcome Plaza
- Pickup y drop off lo sosode na e dicho taxi stand
- E taxi stand aki ta exclusivamente pa taxistanan
- No por parkeer ningun vehiculo cu no ta taxi y tampoco por carga ni descarga carga na e dicho stand.
- Unico exepcion cu lo tolera un taxista subi e Welcome Plaza si nan tin pasahero cu asistencia special (p.e. handicap) y lo mester drop off na e drop off zone indica. (parkeer haven Diamonds International)
Cuerpo Polcial Aruba ta spera di por a informa tur hende debidamente di e reglanan operacional y di prevencion. Tambe KPA ta gradici tur partnersnan envolvi pa e colaboracion y participacion den esaki.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F. di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion. Tambe a haci entrada hudicial na Panamastraat. Eynan Team Narcotica a confisca cocaina y marihuana. Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.
ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber.