A suspende detencion di sospechoso Pieter S. den caso Avestruz

ORANJESTAD – Manera a spera, awe mainta huez a suspende e detencion preliminar di e ciudadano Pieter S. awe mainta, cu ta drenta na vigor pa 11’or oficialmente. Esaki kier men cu entrante 11’or di awe mainta e sospechoso S. ta sali for di KIA. Di otro banda, e tin condicionan mara na esaki. Entre nan cu e no por tin contacto cu e otro sospechosonan den e caso, y e mester ta disponible mesora pa Ministerio Publico. A compronde cu mientras cu por tin e chens pa e sospechoso ‘bypass’ e condicionan aki, e castigo ta mucho severo pa e persona ‘intenta’ di burla di e condicionan segun e abogado. Esaki pasobra si nota cu esaki a sosode, mesora ta suspende e libertad y ta encarcela e persona bek. Esaki pasobra e no ta un libertad ‘normal’, sino meramente un ‘suspension’ di e detencion. Cu esaki, e unico detenido ta keda e parlamentario Benny Sevinger.