DIMAS a aclarea cu ta permiti solamente e persona cu cita pa drenta e edificio di DIMAS

DIMAS a aclarea cu ta permiti solamente e persona cu cita pa drenta e edificio di DIMAS

Posted on 06/8/2021 3:28 pm AST | Updated on 06/8/2021 3:33 pm AST

ORANJESTAD - DIMAS a tuma nota di un reportahe dialuna mainta den un medio di comunicacion encuanto un malcomprondemento di e proceso di cita na momento cu un hende ta pidi proteccion internacional (e.o asilo) na Aruba.

Basa riba esaki, Dimas a opta pa bin dilanti cu mas informacion. Segun e department, nan ta atende personanan cu a haci un peticion pa cita of cu ta bin pa un entrevista referente un peticion di asilo personalmente. Ta importante pa reitera cu na momento cu un hende indica cu e tin mester di proteccion, cu mester scucha su relato  personal.

Pa cu esaki mester tene cuenta cu e siguiente puntonan di e proceso manera e ta aplicable na Aruba:

-        Un persona cu ta pidi asilo of cu ta bin pa un entrevista referente su asilo ta wordo scucha en persona. 

-        DIMAS ta invita e persona cu anticipacion pa e por prepara pa su entrevista y trece tur loke e ta kere ta necesario pa cu esaki. Tene na cuenta cu e invitacion ta bin via di e correo electronico cu e persona suminstra. Ta importante pa e correo suministra ta di e persona en cuestion mes y cu ta controla regularmente e correo suministra. 

-        Ta permiti solamente e persona cu cita pa atende e cita y drenta e edificio di DIMAS. No ta permiti pa tin otro persona/mas persona presente durante di e cita na DIMAS.

-        Ta conduci tur cita den e idioma di escogencia di e persona y tur documento presenta ta den e idioma di escogencia di e persona tambe. Cualkier documento cu ta wordo firma ta semper den e idioma di escogencia di e persona.

-        Ta considera personanan cu no atende nan cita sin un motibo valido, cu nan no ta interesa mas den nan peticion cu consequencia cu e peticion por termina prematuramente.

-        Na momento cu un hende no por presenta na un cita, mester informa esaki por lo menos 48 ora adelanta y mester presenta motibo valido pa cu esaki. Si no tin motibo valido y e persona no presenta na su cita esaki ta wordo considera como un falta di interes pa su peticion cu e mesun consequencia previamente menciona.

-        Ta reitera cu e procesonan di proteccion (asilo) ta procesonan voluntario, si un personan ta desea di tin representacion legal e por haci esaki riba su propio gastonan y pafor di e horario di su cita na DIMAS. Durante di e cita na DIMAS ta scucha e cliente so. 

Despues di e proceso di registracion y demas citanan, e proceso lo continua y e persona en cuestion lo ricibi un contesta mas liher posibel. Den algun caso e ta necesario pa haci citanan adicional prome cu tuma un decision y e posibilidad di entrega un obhecion y entama di e manera aki un proceso legal si e ta desea esaki.

Tene na cuenta cu e medidanan di COVID ta keda aplicable durante di e bishita na DIMAS, pues tapaboca ta keda obligatorio.

  • DVG: Riba peticion residentenan por scoge vacuna di Johnson & Johnson

    DVG: Riba peticion residentenan por scoge vacuna di Johnson & Johnson

    ORANJESTAD - Riba peticion di un grupo den comunidad cu ta desea di ricibi e vacuna di Johnson & Johnson, DVG a pidi Hulanda un cantidad di 2.500 dosis pa brinda e grupo aki e oportunidad pa scohe pa e vacuna aki. E vacuna di Johnson & Johnson “Janssen”, mescos cu Pfizer ta aproba dor Advisory Committee on Immunization Practices (ACIP); Center of Diseases Control (CDC); Food Drugs Administration (FDA)  di Merca y European Medicaments Association (EMA) na Europa. E vacuna di Johnson & Johnson ta consisti di un solo dosis y ta traha abase di e technologia e biotecnologia moderno unda cu ta haci uzo di un virus no activo (vector) cu tin den dje instruccionnan genetico specifico pa nos celnan genera e proteina Spike (“S”) no infeccioso pa stimula e curpa pa reacciona y produci anti-curpa protector contra COVID-19. E vacuna aki no tin e virus SARS-CoV-2 y NO por causa COVID-19. E vacuna di Johnson & Johnson tin un efectividad di minimal 66% contra COVID-19 engeneral y ta proteha 85% contra forma grave di COVID-19. Esaki ta poco menos cu Pfizer, pero ta ideal pa e grupo di meta cu no tin condicion di salud. Johnson y Johnson ta activo contra e Covid-19 variantenan cu ta circulando na e momento aki rond mundo.

  • SCP: Lista di espera di Bureau Sostenemi y Directie Voogdijraad reduci significantemente

    SCP: Lista di espera di Bureau Sostenemi y Directie Voogdijraad reduci significantemente

    ORANJESTAD – E lista di espera di Bureau Sostenemi y Directie Voogdijraad areduci significantemente. Asina esnan di Sociaal Crisis Plan a informa diaranson den un comunicado. Segun SCP, nan ta den su ultima fase pa finalisa cu e prome raportahe di aña 2021. E raportahe aki ta tuma luga tur aña y ta cubri tur desaroyo di tur socio y tur proyecto activo. No obstante e pandemia di Covid-19 a logra acumula tur informacion pa asina por finalisa esaki.

  • CDM: Tur mucha tin derecho riba un relacion cu su tata

    CDM: Tur mucha tin derecho riba un relacion cu su tata

    ORANJESTAD - Diadomingo 20 di juni, un biaha mas mundo a celebra Dia di tata. Un dia unda ta dedica atencion y aprecio na tur tata pa e papel importante cu nan tin den bida di nan yiu(nan). Comision Derecho di Mucha (CDM) tambe ta uni na e dia di refleccion aki unda ta para keto na e tata cu su importancia ta visibel den e Tratado Internacional di Derecho di Mucha cu a keda aproba na aña 1989 y cu Aruba tambe a ta formalmente comprometi na dje desde aña 2001. Articulo 10 di e tratado ta menciona e importancia pa e mucha pa e tin un relacion cu su mayornan. Hasta den caso cu un di e mayornan ta biba den exterior. Den caso nan unda un mucha no ta biba cu un di su mayornan ta importante pa palabra con lo duna forma na e relacion pa medio di un bon contacto y uno structural. 

  • Aeropuerto di Aruba ta ricibi “Airport Carbon Accreditation Level 2”

    Aeropuerto di Aruba ta ricibi  “Airport Carbon Accreditation Level 2”

    ORANJESTAD – Aruba Airport Authority N.V. (AAA) compania cu ta maneha y opera Aeropuerto Internacional Reina Beatrix (Aeropuerto di Aruba) orguyosamente a anuncia su logro mas recien, e “Airport Carbon Accreditation Level 2”. 

  • Encuesta: Partidonan politiconan mester haya e kiezersregister dia di eleccion?

    Encuesta: Partidonan politiconan mester haya e kiezersregister dia di eleccion?

    ORANJESTAD – E pregunta cu si partidonan politico mester por haya e asina yama ‘kiezersregister’ cu ta contene informacion di ciudadanonan, a keda trata den corte awe. Diaranson merdia huez lo dicta e sentencia,.  Noticiacla y Doc Opleiding kier sa kico bo ta pensa di e asunto. Como tal a traha un encuesta pa asina haya sa bo sentiment riba e asunto. Manera semper, bo participacion ta keda anonimo y e resultado ta wordo usa netamente pa motibo noticioso. Pa participa, click AKI. 

  • Aruba a registra 4 caso positivo nobo di Covid19 awe

    Aruba a registra 4 caso positivo nobo di Covid19 awe

    ORANJESTAD - Segun resumen di awe  , a registra total 4 caso nobo di Covid-19, di cual tur ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 364 test. 'Positivity rate' entre nos residentenan ta 7% y 3 persona a recupera.

  • Powered by SETAR