- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Na Corsou, Gabinete-Pisas lo cuminsa cu shete minister
WILLEMSTAD - Segun fuentenan den partidonan MFK i PNP tur kos ta indiká ku formadó Chester Peterson ta kla pa bai serka gobernador sra. Lucille George-Wout. Te ainda shete persona a pasa screening pa bira minister den e gabinete-Pisas nobo. Partidonan ta spera ku promé ku fin di wikènt e gabinete nobo por wòrdu instalá.
Manera ta konosí formadó sr. Peterson no por presentá Ramon Chong, na nòmber di partido PNP, komo minister di Desaroyo Ekonómiko. Esaki ta basá riba e echo ku Prokurador General a raportá na formadó ku Chong tin un “strafblad” for di 2003 relashoná ku un kaso di korupshon komo diputado. Kandidato pa minister di Hustisia Eduard Braam pa partido MFK siman ku a pasa a retirá su kandidatura pa minister. Esaki pa motibu, segun Braam, ku den komunidat tabatin basta krítika kontra di dje. Esaki tin di aber ku un kaso kontra Braam den aña 2000 relashoná ku un akto inmoral ku un mucha menor di edat.
Komo konsekuensia te ainda no tin minister pa e posishon di Desaroyo Ekonómiko ni di Hustisia. Segun fuentenan den partido MFK, minister-presidente Gilmar ‘Pik’ Pisas tambe lo ta funshoná komo minister di Hustisia te momentu ku un kandidato nobo pasa screening. No ta konosí ken lo funshoná komo minister di Desaroyo Ekonómiko te na e momentu ku un persona nobo pasa screening.
E ministernan nobo ku por wòrdu instalá ta sr. Pik Pisas, sr. Javier Silvania (Finansa), sr. Charles Cooper (Tráfiko, Transporte i Planifikashon Urbano), sra. Dorothy Janga-Pietersz (Salubridat, Medio Ambiente i Naturalesa) i sr. Sithree ‘Cey’ van Heydoorn (Enseñansa, Siensia, Kultura i Deporte) pa partido MFK. Pa partido PNP por keda instalá sra. Ruthmilda Larmonie-Cecilia (Desaroyo Sosial, Labor i Bienestar) i sr. Ornelio ‘Kid’ Martina pa e ministerio di Gobernashon, Planifikashon i Servisio Públiko.
Komo minister Plenipotensiario di Kòrsou na Hulanda MFK ta menshoná sr. Carlson ‘Carls’ Manuel. Manuel tabata number 15 riba lista di MFK.
Den periodo di kampaña, promé ku elekshon, MFK a bisa ku Manuel por bira minister Plenipotensiario si MFK bira e partido mas grandi i lo forma gobièrnu. NOTA: E texto ta scirbi na papiamento fonetico di Corsou.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Follow NoticiaCla
