SNBA ta tene Forum Politico awe nochi cu lidernan politico

SAN NICOLAS – San Nicolas Business Association (SNBA) ta tene un ‘Town Hall Forum 2021’ awe nochi na EPB San Nicolas cu e tema " The time for San Nicolas & pariba di brug is NOW!!! ".

 E meta di e forum ta pa pueblo pariba di brug por haya un bista real con serio y comprometi nos politiconan ta pa cu e tema di San Nicolas y Pariba di Brug riba e tereno di desaroyo Social, Economico, y Financiero y kiko nan ta ofrece pa desaroya esaki. Segun SNBA, pa basta aña partido ta bin pariba y somenta y a yega e momento pa wak en berdad ta ken tin e mihor plan.

E forum lo tuma lugar Diamars di 8 di Juni 2021 di 7:00 pm pa 9:30 pm na EPB San Nicolas.

E NO TA UN DEBATE

E Forum aki no ta un debate sino un opportunidad pa cada partido ofrece atrobe un plan realistico cu lo trece e desaroyo y alivio asina neccesario pa cada ciudadano pariba di brug.

Directiva di SNBA a prepara 6 pregunta cu ta toca Pariba di Brug y San Nicolas directamente y nos isla generalmente.

TRANSMISION 

E evento aki lo wordo transmiti "Live-en-Bibo" na Tele Aruba y streaming riba rednan social. Cada partido lo haya 2 minuut pa contesta y no lo tin opportunidad pa reacciona. Na final nos lo tin e closing statement di cadca partido.

COMPILA CONTESTANAN

Despues di e forum e contestanan lo wordo compila y poni riba rednan social y ripiti na nos planta televisora local pa asisti pueblo di San Nicolas y Pariba di Brug cu nan decision di voto.

Nos ta spera di por conta cu presencia di tur partido participando den e eleccion proximo y cu por confirma mas pronto posibel. Miembronan di prensa lo tin e opportunidad pa intrevista e candidatonan despues di e transmission.