Entrante diaranson awor, uso di tapaboca no ta obligatorio mas

ORANJESTAD – Entrante diaranson awor, bistimento di un tapaboca no ta bira obligatorio mas, sino mas bien recommendable. Esaki ta nifica cu ta keda na cada persona si nan ta bisti e tapaboca of no. Sinembargo kier pa bisti tapaboca ora cu no por garantisa distanciamento di 1 meter y mei. Establecimentonan sinembargo por exigi uso di tapaboca si nan ta rekeri esey, y e clientenan mester cumpli cu esaki. 

MAS SUAVISACION

Otro medididanan suavisa ta cu  ta elimina gebiedsverbod. Tambe ta permiti publico na deporte organisa y contact sport. Y ora cu un persona tin vacuna, e no mester bay den quarentena. Tambe, clientenan por sinta bek na bar, y bandanan por presenta completo cu nan integrantenan pues no tin limitacion mas pa nan presentacion. Tambe ta aumenta e cantidad di persona cu por sinta hunto na mesa na restaurant. A anuncia tambe cu entrante awe dialuna (loke noticia a raporta caba, ta inicia e bubble entre islanan ABC, y ta habri frontera cu Brazil.