Aruba ta habri frontera bek cu Brazil entrante awe

ORANJESTAD – Aruba ta habri su frontera cu Brazil atrobe entrante awe 7 di juni 2021. Oficialmente gobierno di Aruba tin intencion di anuncia esaki durante un conferencia di prensa awetardi 2pm. Segun informacion cu noticiacla tin, e motibo di e reapertura aki, ta debi cu e industria local ta sinti su mes comodo cu e alineacion di e destino cu e recomendacionan di World Health Organization (WHO) y cu e progreso di vacunacion ta bon. Ya 65% di e poblacion ta vacuna y esaki ta pone cu autoridad local ta satisfecho y comfortable pa tuma e paso aki. Tabata 21 di januari ultimo cu Aruba a dicidi di cera frontera cu Brazil, mirando e grado halto di contagio cu e pais Latino Americano a contrae. 

REKISITO

Pa Brazileronan por disfruta atrobe di Aruba, nan mester presenta un comprobanta di vacunacion contra gele koorts y tambe presenta prueba di PCR test negativo haci 72 y 12 ora prome cu biaha pa Aruba. Ademas nan mester cera un Seguro dibiahe di Aruba pa cubri e gastonan eventual di un contagio di e virus Covid19. Den un declaracion pa prensa, director di ATA Ronella Croes a bisa di ta hopi orguyoso di por habri frontera bek cu Brazil.