Celebrity ta cambia bapor y fecha pa prome crucero yega Aruba

PHILIPSBURG – Debi na un ley cu a cambia na Merca, e prome bapor crucero Mericano cu tabata programa pa yega Aruba otro siman, no ta bin mas, sino ta manda un otro, y e fecha di e prome bapor su yegada tambe ta cambia. Inicialmente e bapor Celebrity Millenium tabata programa pa yega Aruba dia 8 di juni awor, pero awor ta bira Celebrity Summit cu ta yega, y ta yega diahuebs 10 di juni envez di 8. E cambio ta cu mester usa Millenium pa cuminsa crucero na Alaska. Y e ora a ‘swap’ e bapornan pa cumpli cu e ley ey. Esaki ta pues un cambio logistico cu ta afecta Aruba y Corsou cu ta riba e itinerario ey. Despues cu e pandemia a paralisa e mundo crucero pa un aña largo, esaki ta e prome biaha cu un bapor crucero lo yega Aruba ‘cu pasahero’. Nan a hospeda na Aruba pero sin turista durante un aña, pero esaki tabata mas bien operacional.