Na Corsou: ‘Situacion financiero di CMC ta keda unu delicado

WILLEMSTAD.- Direktor di Curaçao Medical Center (CMC) Gilbert Martina a bisa djaweps último durante rueda di prensa ku situashon finansiero di CMC ta keda unu delikado. Esaki, segun Martina, tin di aber ku e prinsipionan ku a skohe pa kuminsá ku hospital nobo. Martina a splika ku e promé prinsipio ta ku konstrukshon di CMC mester restrukturá kadena di kuido na Kòrsou kompleto. Esaki tin su konsekuensia finansiero tambe, Martina a bisa.

E direktor di CMC a splika durante rueda di prensa ku hospital di CMC a keda finansiá 100 porshento dor di fiansa. Martina: ‘Ta manera bo tin un kas, i e kas tin un hipotek riba dje. Awèl CMC no tin solamente un hipotek, e tin tres hipotek.’

Segun e direktor di CMC e tres fiansa tin ku wòrdu paga, promé ku e hospital por kuminsá ku su eksigensianan. Segun Martina esaki ta pone un preshon hopi grandi riba gastunan operashonal. CMC.

Martina djaweps último durante rueda di prensa a splika henter e situashon finansiero. Ku na su opinion no ta un situashon duradero. Martina a splika ku gobièrnu a skohe pa konstruí un hospital ‘state of the art’, ku ta kosta sèn.

Martna: ‘A skohe pa kambia lokalidat, a skohe pa tuma tur trahadó di Sehos over’. Ku esaki tin komo konsekuensia ku CMC a kuminsá ku un situashon finansieramente fèrfelu. Banda di esei, segun Martina, gobièrnu no ta dispuesto pa duna CMC e sèn ku no tin derechi riba dje. ‘Esaki tin komo konsekuensia ku situashon finansiero di CMC ta hopi delikado’.

Martina a splika ku gobièrnu no ta duna sufisiente sèn, Ku esaki tin komo resultado ku den aña 2020 CMC a falta 43.9 mion Naf. Martina: ‘Esaki tin komo konsekuensia ku pa kada luna CMC ta falta 3.5 òf 3.6 mion Naf. Esaki ta un montante hopi haltu pa un hospital.’

Martina a splika ku esaki ta un situashon ku no ta sostenibel. ‘Pasobra kiko hòspital por hasi? Si nos ta stòp di duna kuido – pasobra nos ta falta sèn – esaki lo resultá den algu sumamente kompliká.’ Segun Martina CMC no ke hasi esaki tampoko. ‘Pa e motibu nos ke urgi tur esnan ku ta responsabel – ku ta Pais Kòrsou i e ministernan responsabel – pa atendé ku situashon finansiero di CMC. Texto ta skirbi den papiamento fonetico di Corsou.