- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Na Corsou: Segun Ramon Chong, carta di ex trahadonan CBA ta pa e no bira minister
WILLEMSTAD – Durante su rueda di prensa ayera, Ramon Chong ku énfasis a trese dilanti ku e ta konsiderá karta mandá dor di 8 eks empleado di CBA pa formadó, ta pa simplemente kalumnia ku e meta pa e no bira minister. Niun di e 12 alegashonnan den su kontra no tin base. Dia 17 di mei último 8 eks trahadó di CBA a manda un karta pa Formadó Chester Peterson opviamente ku e ophetivo pa kalumniá, difamá su persona i ta parse ku tin hende ku lo ta sinti bon ora ku nan kaba ku un persona ku ke traha pa komunidat.
Ampliando riba e karta, Chong a splika ku e ophetivo no ta pa e eks trahadónan haña nan plaka o sea sesantia pagá òf e echo ku tin di nan ta ‘claim’ ku nan a pèrdè kas etcetera, pero e úniko kos ku por dedusí for di e karta ku a bai pa formadó ta simplemente kalumniá kontra di su persona i trata di e forma aki pa e no bira minister.
Chong defendiendo su mes riba e loke ku a keda formulá den e karta, un pa un el a kita tur e alegashonnan for di riba mesa. Na total tabatin 12 alegashon i no tin ni un di e puntonan ku Chong por bisa ku tin base i realidat. Asta na vários okashon Chong a sa di saka sèn personalmente for di su saku pa yuda trahadónan di CBA ku tabata pasa momentunan difísil pa motibu di likides di e kompania. E tabata bai kumpra kos na supermerkado i traha saku di kuminda pa e hiba pa esun nan ku tin yu ku mester bai skol.
Apesar di e situashon difísil i kompliká pa e kompania, su persona tabata kana i buska forma kon tòg fin di aña e por traha pakete pa e trahadónan ku a traha henter aña. Ta duel su persona despues di a karga ku e kompania i e trahadónan i semper a buska solushon, awor e ta haña un skòp di e forma aki. Chong a splika ku e tin tur konfiansa den e órgano den Partido Nashonal di Pueblo (PNP) i despues di un reunion di Konseho di partido djárason tras di lomba, e partido a konfirmá i sostené e kandidatura di su persona pa e kartera di Minister di Ekonomia. Texto ta skirbi den papiamento fonetico di Corsou.