Tin hopi interes pa e debate politico di KVK pa awe nochi

ORANJESTAD – Tin hopi interes pa e debate politico awe nochi organisa pa Camara di Comercio. For di tur skina hende ta papia riba esey, sea riba rednan social, na radio of en persona. Hecho ta cu mirando e situacion di Aruba, y cu tin no menos cu 12 partido, ta haci esaki uno mas interesante. Y cada persona ta haye interesante pa nan propio motibo. Entre nan, con ta bay logra maneha 12 partido, si ta bay tin suficiente tempo pa atende cu tur partido, si tur topico ta haya atencion, y asina por sigui. Ademas, tin e parti tecnologico cu tin cu duna e anochi un dinamica nobo y interesante. Noticiacla manera tabata e caso 4 aña pasa, lo presenta un encuesta despues di e debate, pa wak si e debate a logra convence esnan cu a wak e,y cu ainda ta indeciso, si nan sa awor si, pa ken nan vota. Keda pendiente pa e encuesta asina cu e debate termina awe nochi. E debate mes ta cuminsa 7’or y mei mientras cu prome tin un parti educativo cu ta habri e evento.