Seleccion nacional di futbol di Aruba ta gana Cayman Islands 3-1 den cualificatorio pa Qatar 2022

BRADENTON – Cu dos gol di Joshua John, e seleccion nacional di futbol di Aruba a vence Cayman Islands diaranson atardi na Merca, den e weganan clasificatorio pa Copa Mundial di Qatar 2022, 3-1. Mientras cu Aruba tabata domina e partido, tabata na 29 minuut cu Cayman Islands a haya un penalty cu a pone nan bay ariba 1-0. Despues di un rato Aruba tambe ta haya un penalty pero ta tira esaki afo. Mas desopues sinembargo, John ta score e prome goal pa Aruba. Y net prome cu e clausura di e prome tempo, Terence Groothusen ta score pa Aruba empatando e wega 1-1. Den di dos tempo, Aruba ta anota atrobe mesora y ta tuma delantera 2-1, y na di 75 minuut atrobe Aruba ta score finalmente pa e wega bira 3-1. Aruba ta bolbe hunga diasabra anochi, pero e biaha aki contra Canada pa 8’or di anochi, tambe na Bradenton, Merca. Potret cortesia AVB.