Huez a rechasa suspencion di detencion di Pieter S. den caso Avestruz

ORANJESTAD – Awe mainta huez a rechasa e peticion pa suspende e encarcelacion di e sospechoso Pieter S, den e caso penal di Avestruz. Ayera huez a trata e caso y awe mainta a dicta e sentencia. Esaki ta nifica cu mas probable S. tin cu sinta te cu por lo menos 16 di juni prome cu e por recobra su libertad. Tabata dia 5 di mei ultimo cu e comerciante a keda deteni na su cas, como sospechoso den e caso aki. Mientrastanto e la keda transporta algun dia atras pa KIA. Diabierna ta dicidi riba e sospechoso principal, e actual parlamentario Benny Sevinger si ta prolonga su detencion tambe. Diaranson e parlamentario a cumpli un siman deteni pa e caso di Avestruz. Ta acusa e parlamentario di e.o. soborno di un amtenaar, falsificacion di firma y ta forma parti di un organisacion criminal.